İdman
"Qarabağ" məşqlərə başladı
Çempionlar Liqasının II təsnifat mərhələsində "Samtredia"nı mübarizədən kənarlaşdıran "Qarabağ" növbəti mərhələnin hazırlıqlarına başlayıb. Ağdam təmsilçisi dünən bir məşqə çıxıb. Baş məşqçi Qurban Qurbanov komandaya öz bazalarında məşq keçib. "Samtredia" ilə matçda meydanda olan futbolçular bərpa məşqi ilə kifayətləniblər. Digər oyunçular isə əvəzedici heyətlə ikitərəfli oyun keçirib.
Çempionlar Liqasında 2-ci təsnifat mərhələsinin nəticələri
Çempionlar Liqasını 2-ci təsnifat mərhələsində daha 10 komanda bir növbəti tura yüksəlib. 2-ci təsnifat mərhələsinin cavab oyunlarında "APOEL", "Rosenborg", "Kopenhagen", "Şerif", "Ludogorets", "Maribor", "Salzburq", "Seltik", "Legiya Varşava" və "Hapoel Bir Şeva" növbəti tura keçən komandalar oldu.
"Qəbələ" əks-hücumlarda təhlükəlidir" - "Yagelloniya"nın futbolçusu
"Azərbaycanda qazandığımız nəticə çox yaxşıdır. Ancaq hələ cavab oyunu var. Doğma meydanda göstərməliyik ki, əla komandayıq. Düşünürəm ki, qələbə qazanaraq növbəti mərhələyə yüksələcəyik". Bu sözləri Avropa Liqasının 2-ci təsnifat mərhələsində "Qəbələ"nin rəqibi olan "Yagelloniya"nın futbolçusu Lukaş Burliqa deyib.
"Nice" müdafiə xəttini gücləndirdi
Fransanı Çempionlar Liqasında təmsil etməyə hazırlaşan "Nice" müdafiə xəttini gücləndirib. 33 yaşlı Kristof Jalle "Nice"nin heyətinə qoşulub. O, son olaraq "Lyon"da çıxış edib. Bu klubla 2018-ci ilin yayına kimi anlaşması olsa da, Jalle müqaviləni pozaraq "Nice"a azad agent kimi gəlib. Təcrübəli müdafiəçi karyerası ərzində "Lorient", PSG kimi klublarda da forma geyinib.
Tomas Müllerlə bir neçə klub maraqlanır
"Bayern Münhen"in hücumçusu Tomas Müller bir neçə klubun maraq dairəsinə düşüb. 27 yaşlı futbolçunun xidmətlərində "Arsenal", "Yuventus", "Çelsea" və "Liverpul" maraqlıdır. Müllerin transferində ən şanslı klub "Liverpul" hesab olunur. Məlumata görə Mülleri Yurqen Klopp şəxsən klubuna dəvət edir.
Riçard Almeyda: "Heç kim bizə mərhələni hədiyyə etməyəcək"
Çempionlar Liqasının III təsnifat mərhələsində "Samtredia" - "Qarabağ" matçından (1:0) sonra Ağdam klubunun yarımmüdafiəçisi Riçard Almeyda jurnalistlərə müsahibə verib.
"Qarabağ" İtaliya klubunun futbolçusuna təklif göndərdi
Qvineya-Bisaudan olan yarımmüdafiəçi ilə "Peskara" da maraqlanır . İtaliyanın "Palermo" klubunun futbolçusu Karluş Apna Embalo tezliklə "Qarabağ"a keçə bilər. 23 yaşlı sol cinah oyunçusu Ağdam təmsilçisindən cəlbedici təklif alıb.
Qara Qarayev: "Ciddi və diqqətli olacağımız bir mərhələyə keçirik"
Çempionlar Liqasının III təsnifat mərhələsində "Samtredia" - "Qarabağ" matçından (1:0) sonra Ağdam klubunun yarımmüdafiəçisi Qara Qarayev bir sıra sualları cavablandırıb.
Joze Mourinyo: "Mən hazıram"
"Mançester Yunayted"in hal-hazırki baş məşqçisi Joze Mourinyo klubda 15 il qalıb Ser Aleks Fergyusonun dönəmindəki uğurları yenidən qaytarmaq istəyir. "Old Traford"da ikinci mövsümünə keçməyə hazırlaşan Mourinyo bu sözləri demiş olsa belə, bu mövsüm kubok qazanmasa və kluba uğur gətirməsə istəkləri arzu olaraq qala bilər.
Çempionlar Liqasına II təsnifat mərhələsinin 7 cavab oyunu keçirilib
Çempionlar Liqasında II təsnifat mərhələsinin 7 cavab oyunu baş tutub. Oyunların cəmi 1-də meydan sahibləri qalib gəlib. "Vardar" Çempionlar Liqasının qrup mərhələsində oynamış "Malmö" klubunu məğlub edərək mübarizədən kənarlaşdırıb.
Ozan Can meydanda, Dəniz kənarda
Millimizin futbolçuları Dəniz Yılmaz və Ozan Can Kökcünün şərəfini qoruduğu "Bursaspor" Avstriyada təlim-məşq toplanışı çərçivəsində ilk yoxlama oyununu keçirib. Komanda İngiltərə Çempionşip təmsilçisi "Lids"lə üz-üzə gəlib. Matç "Bursaspor"un 3:0 hesablı qələbəsi ilə başa çatıb.
Co Hartın yeni komandası bilindi
"Mançester Siti"nin qapıçısı Co Hart karyerasını yenidən İngiltərədə davam etdirəcək. Ulduz futbolçu müqavilə ilə məxsus olduğu klubda deyil, "Vest Hem"də çıxış edəcək. Çünki London təmsilçisi onu 1 illik icarəyə götürüb. Anlaşmaya görə, Hartın həftəlik məvacibi 175 min funt-sterlinq olacaq. Maraqlıdı ki, bu məbləğin 55 min funt-sterlinqini "Mançester Siti" ödəyəcək.
"Qəbələ" Varşavada hazırlığını davam etdirir
UEFA Avropa Liqasının II təsnifat mərhələsində Polşanın "Jagiellonia" klubu ilə qarşılaşacaq "Qəbələ" iyulun 20-də keçiriləcək cavab oyununun hazırlığını davam etdirir. Görüşə Polşanın paytaxtı Varşavada hazırlıq keçən "qırmızı-qaralar" iyulun 17-də növbəti məşqini gerçəkləşdirib. Baş məşqçi Roman Qriqorçukun yetirmələri günün ikinci yarısında hazırlıq keçib. Məşq prosesi yerli "Drukarz" klubunun stadionunda baş tutub. "Qırmızı-qaralar" toplu və topsuz çalışmaları yerinə yetiriblər.
"Neftçi"nin sabiq hücumçusu Cənubi Koreya klubuna keçdi
2010-cu ildə icarə əsasında "Neftçi"yə cəlb olunan və 4 mövsüm Bakı klubunda forma geyinən Bahodir Nasimovun yeni klubu müəyyənləşib. Özbəkistan millisinin 30 yaşlı üzvü kareyarısını Cənubi Koreyada davam etdirəcək. Təcrübəli forvard "Ansan Griners" klubu ilə müqavilə imzalayıb. Nasimovun son klubu ölkəsinin "Bunyodkor" olub.
Runinin "Everton"a qayıtması azarkeşə pul qazandırdı
İngiltərə futbolunda maraqlı hadisə baş verib. Ueyn Runinin "Everton"a dönməsi azarkeşlərdən birinə pul qazandırıb. Belə ki, "Mançester Siti"nin fanatı Cordan Faukett 2010-cu ildə Runinin "Mançester Yunayted"dən ayrıldıqdan sonra "Everton"a qayıdacağına dair mərc qoyuluşu edib. Ulduz futbolçu 2004-cü ildə ayrıldığı Liverpul təmsilçisinə bu yay dönüb.