İdman
Mbappe qərarını verdi
Ötən mövsüm göstərdiyi oyunla Avropa klublarının maraq dairəsinə düşən kilian Mbappekaryerasında yeni səhifə açmaq istəyir. 18 yaşlı futbolçu "Monako"dan getmək istədiyini rəhbərliyə deyib. O, yeni müqavilə imzalamaqdan imtina edib. "Moneqasklar" Mbappeni vergi və digər məsrəflər daxil olmaqla 216 milyon avro qarşılığında "Real"a satmağa ümid edir.
Tarix yazmağa yeganə namizəd - Azərbaycan
Çempionlar Liqasının pley-off mərhələsində iştirak edəcək 20 komanda 20 müxtəlif ölkəni təmsil edir. Bu ölkələrdən 19-u əvvəllər də qrup mərhələsində mübarizə aparıb. Pley-off mərhələsinin iştirakçıları arasında qrup görməyən yeganə ölkə Azərbaycandı. "Qarabağ"ın pley-offa yüksəlib, ölkəmiz üçün ilkə imza atmasından sonra ağdamlılar qrupun da bir addımlığındadı.
Zidanın oğlu "Real"ın əsas komandasında
"Real"ın baş məşqçisi Zinəddin Zidanın oğlu Luka Zidan əsas komandada debüt edib. 19 yaşlı qolkiper MLS-in ulduzları yığmasına qarşı yoxlama matçında oynayıb. O, 72-ci dəqiqədə Ruben Yanesi əvəzləyib.
Formula 1-də 30 min bilet satıldı
Formula 1 Azərbaycan Qran Prisində satışa çıxarılan 30 min biletin hamısı satılıb. Bunu Bakı Şəhər Halqasının Marketinq və kommunikasiya şöbəsinin rəhbəri Nigar Arpadarai deyib. N.Arpadarai bildirib ki, bu dəfə xarici vətəndaşlar tərəfindən alınan biletlərin sayı ötən illə müqayisədə iki dəfə çox idi.
DÇ-də sərbəst güləşçilərimizin daha 2 medal qazanmaq şansı var
Finlandiyanın Tampere şəhərində güləş üzrə gənclər arasında dünya çempionatı davam edir. İlk yarış günündə Azərbaycan güləşçilərindən Şahin Muxtarov (50 kq) bütün rəqiblərinə qalib gələrək qızıl medal qazanıb.
"İnter" növbəti transferini reallaşdırdı
"İnter" uruqvaylı yarımmüdafiəçi Matias Vesinonun transferini rəsmiləşdirib. Onunla 2021-ci ilə kimi müqavilə imzalanıb. "Nerazzurri" onun buraxılş qiymətini 24 milyon avro müəyyənləşdirib.
İsveç atıcıları Avropa çempionatının qızıl və gümüş medalını qazandılar
Bakıda keçirilən atıcılıq üzrə Avropa çempionatının 50 metr məsafədən qaçan hədəfə atəşaçma yarışlarının kişilər arasında fərdi mübarizəsinin qalibi İsveç təmsilçisi olub. İsveç atıcısı Jesper Nyberg 591 xalla fəxri kürsünün ən yüksək pilləsinə qalxıb. Onun həmyerlisi Emil Martinsson isə 589 xalla gümüş medal qazanıb.
Neymar "Barselona"da komanda yoldaşları ilə sağollaşıb
“Barselona” Neymarın klubu tərk etmək istədiyini açıqlayıb. 25 yaşlı braziliyalı hücumçu klub rəhbərliyindən icazə alaraq komandanın bu gün səhər baş tutan məşqində iştirak etməyib: “Neymar səhər məşqindən əvvəl karyerasını “Barselona”da davam etdirmək istəmədiyini açıqlayıb. Ona görə də futbolçuya gələcək karyerası ilə bağlı işlərini qaydasına salması üçün məşqdə iştirak etməməyə icazə verilib. Neymar komanda yoldaşları ilə sağollaşıb".
Aqil Abbas: “Moldovada sübut etdik ki, “Qarabağ” “Qarabağ”dır”
"Mən ilk oyundan sonra qəzetdə də yazmışdım. “Qarabağ”ın ikinci oyunda qalib gələcəyini demişdim. Mən bütün uşaqlara və Qurban Qurbanova inanırdım. Onlar hamısı mənim balalarım, əzizlərimdi. Onlar gedib Moldovada sübut etdilər ki, “Qarabağ” “Qarabağ”dır. Azərbaycanda bu gün iki komandanın səviyyəsi yüksəkdir: “Qarabağ” və “Qəbələ”. Əvvəllər isə güclü komandalar çox idi. Məsələn, “İnter”, “Xəzər Lənkəran”, "Simurq"" – bu sözləri millət vəkili, əməkdar jurnalist Aqil Abbas Publika.az-a “Qarabağ”ın qələbəsini şərh edərkən deyib.
Neymar “Barselona” ilə vidalaşdı
"Barselona"nın hücumçusu Neymar komandanın səhər məşqinə qatılmayıb. "PSJ" ilə anlaşan braziliyalının "Barselona"ya yollanmaqda məqsədi komandaya qoşulmaq olmayıb. Belə ki, "sambaçı" məşq zamanı bazaya daxil olsa da, baş məşqçi Ernesto Valverdedən icazə alaraq, yarım saat ərzində oranı tərk edib. 25 yaşlı forvardın həmçinin komanda yoldaşları ilə də vidalaşdığı vurğulanıb.
Neymarın atasına bonus ödənilməsi müvəqqəti dondurulub
"Barselona" Neymarın atasına 26 milyon avro bonus ödəməkdə tələsmir. Katalonlar bu məbləği notariusa yönəldərək Neymarın "PSJ" klubuna transfer məsələsinin sonunu gözləyəcək. Braziliyalı ulduz "Barsa"da qalsa, atası 26 milyonu alacaq.Əks halda, pul öncədən nəzərdə tutulmuş hesaba köçürülməyəcək. Bu bonus "sambaçı"nın 2021-ci ilə qədər imzaladığı müqaviləyə görə nəzərdə tutulub.
Moskvada hərbi poliqonda Azərbaycanın mədəniyyət nümunələri nümayiş olunub
Moskva şəhəri yaxınlığındakı Alabino hərbi poliqonunda yaradılmış “Dostluq Evi”ndə “Beynəlxalq Ordu Oyunları - 2017” yarışlarında iştirak edən dövlətlərin nümayəndələri öz ölkələrinin mədəniyyət nümunələrini nümayiş etdiriblər.
“Panatinaikos” 21 futbolçu ilə gəlir
UEFA Avropa Liqasının III təsnifat mərhələsində "Qəbələ" ilə qarşılaşacaq "Panatinaikos"un heyəti müəyyənləşib. Afina təmsilçisi Bakıya 21 futbolçu ilə gələcək. Baş məşqçi Marinos Ozunidis ilk görüşlə müqayisədə bu dəfə 2 yox, 3 qapıçının adını heyətə daxil edib. Belə ki, İngiltərə klublarına transferi gündəmdə olduğu üçün Yunanıstandakı matçı buraxanLuk Stil bu dəfə komanda ilə birgə olacaq. Həmçinin, Giorgos Kutroubis və Paskalis Staykos da ilk dəfə "Qəbələ"yə qarşı oynamaq imkanı əldə ediblər. Əvəzində ilk görüşdə iştirak edən Brayan Kabezas, Dimitrios Emmanulidis və Lautaro Rinaldi bu dəfə baş məşqçinin diqqətindən kənarda qalıblar. Rasmus Telander klubla problemi olduğu, Lukas Villifanez isə zədədən əziyyət çəkdiyi üçün yenə şans qazanmayacaq.
“Qarabağ”ı gözləyən “ölüm qrup”u
Çempionlar Liqasının qrup mərhələsinin təxmini səbətləri açıqlanıb. III təsnifat mərhələsinin cavab oyunları başa çatmamış əsas raundun 32 iştirakçısının yer ala biləcəyi təxmini "səkkizlik" bəllidi. Yarışa birbaşa qrupdan başlayacaq 22 komandanın burada iştirakı dəqiqdi. Digər 10 komanda isə reytinqinə görə siyahıya daxil edilib. Bu üzdən də təsnifatdan mübarizəyə başlayan və əmsalı aşağı olan (18,050) "Qarabağ"ın adı "32-lik"də yoxdu.