İdman
"Qarabağ"ın futbolçusu cəzalandırılmalıdır" - "Kopenhagen" rəsmisi
Epizodun təkrarına baxdıqdan sonra tam əmin olduq ki, hakim "Qarabağ"ın futbolçusuna qırmızı vərəqə göstərməli idi. Bu baş versəydi, matçın nəticəsi başqa cür olardı. Bu sözləri "Kopenhagen"in katibi Daniel Rommedal klubun rəsmi saytına açıqlamasında deyib. Danimarka klubu Çempionlar Liqasının pley-off mərhələsində Bakıda "Qarabağ"a uduzuduqları oyunda Ağdam klubunun kapitanı Maksim Medvedyevin 20-ci dəqiqədə top uğrunda mübarizə zamanı Pyer Benqtssonu qəsdən vurduğunu iddia edir. Bununla bağlı UEFA-ya şikayət məktubu göndərən "Kopenhagen" Maksimin həmin epizodda qırmızı vərəqə ilə cəzalandırılmalı olduğunu iddia edir.
Güləş Federasiyası yığma komandanın baş məşqiçisi ilə müqaviləni ləğv etdi
Azərbaycan Güləş Federasiyası müqavilə müddəti başa çatdığından qadın güləşi üzrə yığma komandanın baş məşqçisi Semyon Çterevlə əməkdaşlığı bitirib. “OLAYLAR”-ın xəbərinə görə, məlumatı AGF-nin mətbuat xidməti yayıb. Bildirilib ki, bu səbəbdən, qadın güləşi üzrə yığmamız Parisdə keçiriləcək Dünya çempionatında böyük məşqçi Aslan Ağayev və məşqçi Rövşən Umudovun rəhbərliyi altında çıxış edəcək.
"Qəbələ" və "Qalatasaray" arasında yoxlama oyunu keçirilə bilər
"Qəbələ" və "Qalatasaray" arasında yoxlama oyunu keçirilə bilər. Bu haqda Türkiyə mətbuatında məlumat dərc olunub. Məlumatda bildirilir ki, matçla bağlı tərəflər arasında danışıqlara başlanılıb. Qarşılaşmanın sentyabrın 2-i və ya 3-ü keçirilməsi planlaşdırılır.
“Qalatasaray”ın hədəfindəki futboçunu “İnter” transfer edir?
“Qalatasaray”ın transfer hədəfində olan belçikalı müdafiəçi Cason Denayer “İnter”in də maraq dairəsinə düşüb. Artıq “İnter” rəhbərliyi İngiltərə klubu “Mençester Siti” ilə danışıqlar masasına oturub. Hələ ki, 22 yaşlı futbolçunun transferi haqda danışıqlar davam edir.
“Mançester Siti”nin futbolçusu 8 aydan sonra döndü
"Mançester Siti"nin futbolçusu İlkay Gündoğan uzun fasilədən sonra yaşıl meydanlara dönüb. Uzun müddətdi zədədən əziyyət çəkən Almaniya millisinin oyunçusu komandasının yoxlama matçında forma geyinib. "Şəhərlilər"in İspaniya "Jirona"sını 1:0 hesabı ilə üstələdiyi görüşdə o, meydana çıxaraq 8 aylıq həsrətinə son qoyub. Gündoğan qarşılaşmanın 71-ci dəqiqəsində meydana daxil olub.
Yığmamız dünya çempionatı üçün heyətini açıqladı
Cüdo üzrə Azərbaycan millisinin heyəti açıqlanıb. Yığmamız avqustun 28-dən sentyabrın 3-dək Macarıstanın paytaxtı Budapeştdə keçiriləcək dünya çempionatına 17 idmançı ilə yollanacaq.
"Qarabağ" milyonlar qazana bilər - UEFA açıqladı
Çempionlar Liqasının (ÇL) 2017/2018 mövsümündə çıxış edən klubların qazancı açıqlanıb. Bu mövsüm ÇL-də mübarizə aparan komandaların hesabına ümumilikdə 1,3 milyard avro köçürüləcək. Turnirin qrup mərhələsində iştirak edəcək hər klub 12,7 milyon avro gəlir götürəcək. Bundan əlavə, qrupda hər qələbəyə görə əlavə 1,5 milyon, heç-heçəyə görə isə 500 min avro veriləcək.
Məşhur rejissor Roman Polanski haqqında zorlama ittihamı
83 yaşlı məşhur kino rejissor Roman Polanski haqqında yeni ittiham səsləndirilib. Artıq üçüncü qadın rejissor tərəfindən zorlandığını bildirib. Robin M. adlı qadın bir mətbuat konfransı keçirərək 1973-cü ildə 16 yaşı olanda rejissor tərəfindən zorlandığını bildirib. Fransada yaşayan rejissor 1977-ci ildə 15 yaşlı bir uşaqla cinsi əlaqəyə girdiyini etiraf etmişdi və haqqında istintaq başlamışdı. Aradan 38 il keçdiyi üçün Polanski haqqında ittihamların ləğv edilməsi üçün Samanta Qeymer məhkəməyə müraciət etmiş, Polanskini bağışladığını bildirmişdi.
"Kəpəz"in zədəlisinin durumuna aydınlıq gəldi
Azərbaycan Premyer Liqasının ilk turu çərçivəsində "Sumqayıt"la görüşdə xəsarət alan "Kəpəz"in üzvü Novruz Məmmədovun vəziyyətinə aydınlıq gəlib. Rəqib futbolçu ilə mübarizədə zədələnən və oyunu sona kimi davam etdirə bilməyərək, 74-cü dəqiqədə əvəzlənən müdafiəçi indi özünü yaxşı hiss edir. Məmmədovun qabırğaüstü əzələsi əzilib. Klubun tibbi personalından verilən məlumata görə, bu zədə tez bərpa olunandı. Novruz əvvəlcə fərdi məşqlərlə başlayıb, sonradan kollektiv hazırlığa qoşula biləcək.
Dibala: "O istəsə, həmişəlik "Yuventus"da qalaram"
"Yuventus"un hücumçusu Paulo Dibala gələcək karyerası haqda danışıb. Argentinalı forvard karyerasını Turin klubunda bitirməyə hazır olduğunu bəyan edib: ""Yuventus"da xoşbəxtəm. 3 ay əvvəl klubla müqaviləmi yenilədim. Mənə 10 nömrəli formanı təklif etdilər. Bu haqda 2 gün düşündüm və yekunda dedim ki, niyə də yox?! Burada daha da inkişaf etmək istəyirəm. Klub prezidenti istəsə, həmişəlik "Yuventus"da qalaram".
Ruslan irəlilədi
Beynəlxalq İdman Atıcılıq Federasiyası reytinq cədvəlini açıqlayıb. Siyahıda Azərbaycan snayperləri də yer alıblar. Güllə atıcılığı üzrə millimizin lideri Ruslan Lunyov ötən ayla müqayisədə mövqeyini yaxşılaşdırıb.
"Qarabağ"ın oyununda yegənə qolun müəllifi Mahir Mədətov bu məşhurun oğlu imiş
“Qarabağ” – “Kopenhagen” oyununda yegənə qolun müəllifi olan Mahir Mədətov tanınmış prodüserin övladıdır. Mahir Mədətov tanınmış prodüser Anar Mədətovun oğludur.
"Barsa"ya transfer oldu - Sürücüsünə "Mercedes Benz" bağışladı
"Barselona"ya transfer olunan Poulino Çində xeyirxah əməlləri ilə gündəmə gəlib. Çində "Quançjou Evenqrand" klubunun şərəfəni qoruyan braziliyalı futbolçu sürücüsünə "Mercedes-Benz" bağışlayıb. O, bu ölkədə çıxış edərkən xeyriyyə işlərinə də vəsait ayırıb. Bu barədə məlumatı Çin klubunun rəsmilərindən biri verib: "Poulino həmişə xoş niyyətli olub və hər şeyə görə "çox sağ ol" deyib. O, pula çox sakit yanaşır və onu bölüşməyi də sevir. Məsələn, öz sürücüsünə "Mercedes-Benz" bağışlayıb.
Türkiyəli şərhçi "Qarabağ"ı "Qalatasaray"a bənzətdi - VİDEO
ÇL-ın pley-off mərhələsində ilk matçda "Kopenhagen"i 1:0 məğlub etdikdən sonra Avropanın diqqəti "Qarabağ"a yönəlib. Bu oyun dünən axşam türkiyəli idman şərhçilərinin də müzakirə etdiyi matçlardan idi.
Arda Turan haqqında şok açıqlama — Baş məşqçidən gözlənilməz addım
"Barcelona" futbol klubunun baş məşqçisi Ernesto Valverde yeni açıqlama verib. Valverde Arda Turanı heyət üçün düşünmədiyini bildirib. "Barcelona" klubunda gözdən düşən və gələcəyi müzakirə mövzusu olan Arda Turan haqqında klubun baş məşqçisi Ernesto Valverde açıqlama verib. Təşkil edilən mətbuat konfransında vacib açıqlamalar verən ispan məşqçi Arda Turan haqqında sualları cavablayıb və şok açıqlamalar verib.