İdman
İlham Əliyev SƏRƏNCAM imzaladı: 2 idmançıya Prezident təqaüdü verildi
Prezident İlham Əliyev “Azərbaycan Respublikası Prezidentinin fərdi təqaüdünün verilməsi haqqında” sərəncam imzalayıb. Sənəddə qeyd olunub ki, Fransanın paytaxtı Paris şəhərində keçirilmiş güləş üzrə dünya çempionatında Əliyev Hacı Azər oğlu və Almaniyanın Hamburq şəhərində keçirilmiş boks üzrə dünya çempionatında Məcidov Məhəmmədrəsul Yusupoviç yüksək nəticələr əldə edərək üçqat dünya çempionu adını qazanıb və Azərbaycan idmanının şöhrətini daha da artırıblar.
“Benfika” “Barselona”nın futbolçusunu icarəyə götürüb
Portuqaliyanın “Benfika” futbol klubu İspaniyanın “Barselona” komandasının oyunçusu Duqlas Pereyra Dos Santosu birillik icarəyə götürüb. 27 yaşlı müdafiəçi 2017-2018-ci il mövsümündə “Benfika”nın formasını geyinəcək.
"Yeganə məqsədimiz final mərhələsində oynamaqdır"
Yaxşı oyun oldu. Norveç səfərindən sonra komandanın psixoloji cəhətdən bərpa olunacağından çəkinirdik. Təbii ki, futbolçular meydana 3 xal üçün çıxmışdılar. Yenə də düşünürdük ki, qol vurmaq bir az çətin olacaq. Ancaq komanda toparlana bildi və baş məşqçinin tapşırıqlarını yerinə yetirdi. Yığmamızın çox qol vurmağı sevindirici haldı. İlk növbədə azarkeşləri sevindirdilər və özlərinə inamı bərpa etdilər. Stadionda əsl bayram ab-havası var idi. Bir daha təkrar edirəm ki, komandamız meydana çıxarkən qələbədən başqa heç nə düşünmürdü. İnamlı qələbə həmişə daha əziz olur.
Robin Van Persinin durumuna aydınlıq gəldi
2018 DÇ seçmə mərhələsində baş tutan Fransa - Hollandiya matçında (4:0) zədələnən Robin Van Persinin durumuna aydınlıq gəlib.
İdmançılarımız İranda qələbə qazanıblar
İran İslam Respublikasının Gilan əyalətinin Astara liman şəhərində keçirilən Birinci Beynəlxalq Yay İdman Olimpiadası proqramına daxil olan Çimərlik futbolu üzrə Azərbaycanı təmsil edən Astara rayon komandası I yerə layiq görülüb.
""Yuventus"un məşhur skautu "Qarabağ"ın oyunçusunu izləyib hesabat verdi"
Cənubi Afrika yığmasının baş məşqçisi Stüart Bakster "Qarabağ"ın futbolçusu Dino Ndlovunun milli komandaya dəvət almamasından danışıb. Bakster yerli mətbuata açıqlamasında bununla bağlı bunları bildirib: "Əvvəl də demişdim ki, Ndlovu dünyanın ən yaxşı liqasında oynamır. Lakin o, qol vurursa, bu, adama güvən verir.
Buffon: "Ronaldo, sanki, laboratoriyada yaradılmışdı"
İtaliya millisinin və "Yuventus"un qapıçısı Canluici Buffon braziliyalı Ronaldonun qüsursuz bir futbolçu olduğunu düşünür. 39 yaşlı "əlcək sahibi" "sambaçı" haqda fikirlərini bildirib. Buffon fenomen Ronaldonun karyerası ərzində üz-üzə gəldiyi ən çətin hücumçu olduğunu deyib. "Marca" nəşrinə açıqlama verən təcrübəli qapıçı Ronaldonun ünvanına təriflər yağdırıb: "Mənim başıma hər cür dərd açan hücumçu Ronaldo idi, braziliyalı olan. Qüsursuz bir futbolçu idi. Güclü, sürətli, texnikalı və cəld idi. Sanki, laboratoriyada yaradılmışdı. Ağızları açıq saxlayırdı".
“Qəbələ” futbol klubu ECA-ya üzv qəbul olundu
“Qəbələ” futbol klubu Avropa Klublar Assosiasiyasına (ECA) üzv qəbul edilib. Klubumuz 2017/2018-ci il mövsümündə Azərbaycanın qurumdakı üç təmsilçisindən biri olacaq.
Messi türk ulduzun "Barselona"ya transferinə qadağa qoydu
Bu yay adı "Barselona" ilə yanaşı çəkilən Məsut Özilin Kataloniya klubuna transfer olunmamasının səbəbi müəyyənləşib. Transferə Lionel Messi mane olub.
Messi “Barselona” ilə müqaviləni yenilədi
"Barselona" Lionel Messi ilə müqaviləni yeniləyib. Bu barədə klubun prezidenti Xosep Mariya Bartomeu bildirib. O qeyd edib ki, iyunun 30-da L. Messi ilə müqavilənin müddəti 2021-ci ilin iyuluna qədər uzadılıb.
