İdman
Luiş Nani komandasını dəyişib
Portuqaliya millisinin və "Valensiya"nın futbolçusu Luiş Nani komandasını dəyişib. Məlumata görə,"yarasalar"da əsas heyətdə düşünülməyən vinger karyerasını İtaliyada davam etdirəcək. 30 yaşlı futbolçu A Seriya təmsilçisi "Latsio" ilə müqavilə imzalayıb. Cinah futbolçusu mövsümün sonuna qədər paytaxt klubunda top qovacaq.
"Qarabağ" fransalı hücumçu ilə maraqlanır
"Qarabağ"ın transfer siyahısında yer alan daha bir futbolçunun adı müəyyənləşib. Ağdam klubu 28 yaşlı Yoan Mollo ilə maraqlanır. Fransalı forvard "Zenit"lə müqaviləsini artıq pozub.
"Arsenal"ın futbolçusu "Liverpul"u seçdi
"Arsenal"ın yarımmüdafiəçisi Aleks Oksleyd-Çemberlen karyerasını "Liverpul"da davam etdirəcək. "Çelsi"nin də maraq dairəsində olan 24 yaşlı futbolçu "mersisaydlılar"ı üstün tutub. Çemberlen İngiltərə yığmasının bazasında tibbi müayinədən keçib. "Liverpul"un formasını əynində yoxlayan futbolçu tezliklə rəsmi müqaviləyə qol çəkəcək. Bu keçid "qırmızılar"a 40 milyon funt-sterlinqə başa gələcək. "Liverpul"la 6 illik müqaviləyə qol çəkəcək Çemberlen yeni klubunda "Arsenal"da qazandığı və "Çelsi"nin təklif etdiyindən az məvacib alacaq.
Prosineçkinin mətbuat konfransının vaxtı açıqlandı
DÇ-2018-in seçmə mərhələsində keçiriləcək Azərbaycan - San Marino oyunu ərəfəsində təşkil olunacaq mətbuat konfranslarının və mətbuat üçün açıq məşqlərin vaxtı müəyyənləşib.
Rövnəq Abdullayev: "Norveçdə millimizdən yaxşı oyun gözləyirəm"
Səfərdə oynamaq həmişə çətindir. Qrupdakı vəziyyətə gəlincə, nəzəri cəhətdən yüksək yerləri tutmaq şansımız var. Norveç ilk oyundan sonra bizə qarşı xüsusi hazırlaşacaq. Millimizdə də motivasiya var. Bu sözləri AFFA prezidenti Rövnəq Abdullayev millimizin DÇ-2018-in seçmə mərhələsində Norveçlə səfər oyunu öncəsi dsport.az-a açıqlamasında deyib.
"Qalatasaray"dan daha bir transfer
"Qalatasaray" yay transfer pəncərəsinin bitməsinə az qalmış daha bir keçid reallaşdırıb. İstanbul təmsilçisi "Yuventus"dan Kvadvo Asamoanı heyətinə cəlb edib. Cinah müdafiəçisinin transferi "sarı-qırmızılar"a 4,7 milyon avroya başa gəlib. Qana millisinin üzvü ilə 4 illik müqavilə imzalanıb. Asamoanın illik qazancı bonuslarla birgə 2,5 milyon avro olacaq.
"Barselona" daha bir transfer edir - 50 milyon avroya
"Lester"in futbolçusu Riyad Mahrez "Barselona"ya transfer olunmaq üzrədir. 26 yaşlı müdafiəçi Kataloniya klubu ilə müqavilə imzalamaq üçün Əlcəzair millisinin düşərgəsini tərk edərək Avropaya gedib. Bu transfer üçün "Barsa"nın qarşı tərəfə 50 milyon avro təzminat ödəyəcəyi bilirilib.
Azərbaycanla oyunu buraxacaq - Ata olacağı üçün
Norveç yığmasının futbolçusu Anders Konradsen DÇ-2018-in seçmə mərhələsində millimizlə oyunu buraxacaq. Bu barədə Norveç yığmasının baş məşqçisi Lars Laqerbekməlumat verib. O bildirib ki, 27 yaşlı oyunçunun yaxın saatlarda övladı dünyaya gələcəyi üçün məşqçi heyətindən icazə alıb.
Cüdoçumuz dünya çempionatının finalına yüksəldi
Azərbaycan cüdoçusu Rüstəm Orucov Macarıstanın paytaxtı Budapeştdə keçirilən dünya çempionatında final mərhələsinə yüksəlib.
“Vest Bromviç” heyətini gücləndirib
İngiltərə Premyer Liqa təmsilçisi “Vest Bromviç” heyətini yeni futbolçu ilə gücləndirib. “Göy-ağlar” “Arsenal”ın müdafiəçisi Kiran Gibbsi heyətinə cəlb edib. Bu barədə məlumatı klubun mətbuat xidməti yayıb. “Vest Bromviç” 27 yaşlı futbolçu ilə 4 illik müqavilə bağlayıb. Klub ingilis müdafiəçinin transferi üçün “topçular”a 7,5 milyon avro ödəyib.
Azərbaycanlı hakim “Qalutçanka” - “Jansen Dalfsen” matçında
Azərbaycan Həndbol Federasiyasının (AHF) idman şöbəsinin rəhbəri, beynəlxalq dərəcəli hakim İsgəndər Əsgərov qadınlar arasında Avropa Həndbol Federasiyası (EHF) kuboku uğrunda yarışlara qitə qurumunun nümayəndəsi təyin olunub.
"Nitsa" “Barselona”nın müdafiəçisini icarəyə götürüb
Fransanın "Nitsa" klubu heyətini yeni futbolçu ilə gücləndirib.Liqa 1 təmsilçisi “Barselona”nın müdafiəçisi Marlonu icarəyə götürüb. Bu barədə klubun rəsmi saytı məlumat yayıb. Tərəflər 2 illik icarə müqaviləsinə imza atıblar. Lakin razılığa görə, kataloniyalılar “sambaçı”nı gələn yay da geri qaytara bilərlər.
"Barselona"nın futbolçusu "Nitsa"da
"Barselona"nın futbolçusu Marlon karyerasını Fransada davam etdirəcək. "Nitsa" klubu braziliyalı müdafiəçini icarəyə götürüb. Bu barədə Liqa-1 təmsilçisinin rəsmi saytı məlumat yayıb. Tərəflər arasında 2 illik müqavilə imzalanıb. Lakin razılığa əsasən, kataloniyalılar "sambaçı"nı gələn yay da geri qaytara bilərlər.
Dieqo Kosta "Atletiko"ya qayıdır - 43 milyon avroya
"Çelsi"nin futbolçusu Dieqo Kosta sabiq klubu "Atletiko"ya keçməyə yaxındır. Madrid klubu 43 milyon avro ödəyərək 28 yaşlı hücumçunu almaq üzrədir. FİFA "Atletiko"ya yanvar ayına kimi yeni oyunçu sifariş etməyi qadağan etdiyindən "Atletiko"nun D.Kostanı yarım illik - qadağa bitənə qədər icarəyə verə biləcəyi vurğulanıb.