İdman
Erməniyə qalib gələn boksçumuz bürünc medal qazandı
Bolqarıstan Albena şəhərində yeniyetmə boksçular arasında keçirilən Avropa birinciliyi başa çatıb. Azərbaycan millisi yarışda 2 bürünc medal qazanıb. Vaqif Kazımovun komandasında Səlim Səlimov (63 kq) və Murad Allahverdiyev (75 kq) fəxri kürsünün üçüncü pilləsinə qalxıb. Belə ki, Səlimov Miçak Jarlinski (Polşa) və Elvin Əliyevə (Ukrayna) qalib gələrək yarımfinala yüksəlib. Bu mərhələdə ingiltərəli Cek Olifantla qarşılaşan boksçumuz finala adlaya bilməyib.
Millimiz yeni rekordla Avro-2019-da
Qadın voleybolçulardan ibarət Azərbaycan milli Avropa çempionatının final mərhələsində ardıcıl 3 qələbə qazanmaqla tarixi nailiyyətə imza atıb. Ardıcıl 7-ci dəfə həlledici mərhələdə çıxış edən yığmamız ilk dəfə qrup mərhələsini birinci yerdə başa vurub. Bunadək ən yaxşı halda qrup ikinciliyi ilə növbəti raunda yüksələn Faiq Qarayevin yetirmələri 12 il əvvəlki rekordunu doğma divarlar arasında yeniləyib.
.png)
Qarabağ-Roma oyununda ən yaxşı futbolçu mükafatlandırılacaq
UEFA Çempionlar Liqası C qrupunda yer alan Qarabağ və Roma klubları 2-ci turda sentyabrın 27-də Bakıda qarşılaşacaq. İtaliya İdman Yazarları İdarə Heyəti (USSI) üzvü Dündar Keşaplının sədri olduğu İtaliya-Azərbaycan Dostluq və İşbirliyi Dərnəyi tərəfindən hər iki komandanın ən yaxşı oyunçusuna ayrı ayrılıqda mükafat veriləcək. Qurumdan “Olaylar”a verilən məlumata görə, qarşılaşmanın ən yaxşı oyunçuları Bakı Olimpiya Stadionunun mətbuat tribunasında yer alan İtaliya və Azərbaycan jurnalistləri arasında keçirilən sorğu əsasında müəyyənləşəcək. Dərnək başqanı Keşaplı həmçinin son illər böyük inkişaf yolu keçən Azərbaycan idmanı haqqında danışıb. O Azərbaycanda idmana verilən önəm və dəyərin günü gündən daha da artdığını qeyd edib:
"Qarabağ" - "Roma" matçının hakimləri açıqlandı
Çempionlar Liqasının qrup mərhələsi çərçivəsində keçiriləcək "Qarabağ" - "Roma" matçının hakimləri müəyyənləşib. UEFA Bakıdakı görüşə Portuqaliyadan olan hakimlər briqadasını göndərir. Görüşün ədalət təmsilçisi Artur Dias olacaq. Ona Rui Tavares və Paulo Soareş kömək edəcəklər. Əlavə hakim köməkçiləri Tiaqo Martinslə Joao Pineyro olacaqsa, Bruno Rodriges ehtiyat hakim funksiyasını yerinə yetirəcək.
“AZE Nakhchivan SK” futbol klubu almanlara təqdim edildi
Dünya Azərbaycanlıları Assambleyasının təşəbbüsü ilə yaradılan “AZE Nakhchivan SK” futbol klubunun mərkəzi ofisində klubun tanıtım tədbiri keçirilib. “OLAYLAR”-a daxil olan məlumata gröə, tədbirdə yerli futbol həvəskarları, futbol mütəxxəsisləri, Türkiyə təşkilatlarının təmsilçiləri iştirak ediblər. Tədbiri giriş sözü ilə açan klubun rəhbəri Aydın Karaca Naxçıvan Muxtar Respublikası haqqında qonaqlara məlumat verdi. Bu bölgənin zəngin tarixindən, önəmli coğrafi mövqeyindən, naxçıvanlıların qonaqpərvərliyi, dostluğa münasibətindən, son dönəmlər Naxçıvanda həyata keçirilən islahatlardan, blokadada olmasına baxmayaraq yerli imkanlar hesabına əldə edilən uğurlardan söz açmış , bu bölgənin İranla Türkiyə arasında yerləşən strateji əhəmiyyətli bir muxtar vilayət olduğunu qeyd edib.
Polşa yığmasının məşqçisi: Azərbaycan güclü yığmadır
Bizim artıq Avro-2017-nin 1/4 final mərhələsində olmağımız haqqında danışmaq üçün hələ tezdir. Sentyabrın 24-ü bizi Azərbaycan yığması ilə qrupun ən çətin oyunu gözləyir. Bunu Polşa yığmasının məşqçisi Yatsek Navrotski Macarıstan üzərində qazandıqları 3-1 hesablı qələbədən sonra deyib.
İdmançılarımız dünya çempionatında 5 medal qazanıb
Sentyabrın 20-də Litvanın Klaypeda şəhərində hərbçilər arasında güləş üzrə 32-ci dünya çempionatına start verilib. “OLAYLAR”-ın Müdafiə Nazirliyinə istinadən verdiyi xəbərə görə, yarışın birinci günündə Azərbaycanın altı idmançısı mübarizəyə qoşulub. Belə ki, sərbəst güləşçilərimiz Əfqan Xaşalov (57 kq), Qalib Əliyev (61 kq), Ağahüseyn Mustafayev (65 kq), Coşqun Əzimov (70 kq) və qadın güləşçilərimizdən Türkan Nəsirova (48 kq) Tatyana Varantsova (53 kq) xalça üzərinə çıxıblar. Yarışın ilk günü Azərbaycan idmançıları üçün uğurlu olub.
Azərbaycan çempionu İran klubuna qalib gəldi
Futzal üzrə UEFA kubokuna hazırlaşan "Araz" yoxlama matçı keçirib. Joze Alesionun yetirmələri Bakıda İranın "Mes Sunq" klubu ilə üz-üzə gəliblər. Qarşılaşma təmsilçimizin 6:0 hesablı qələbəsi ilə yekunlaşıb. Tiaqonun het-trik etdiyi görüşdə Eduardo, Vilel və Ramiz Çovdarov hərəyə bir dəfə fərqlənib.
Futbolçu azad edildi
Oğurluğa görə saxlanılan futbolçu Nicat Muxtarov azad olunub. Bu haqda Futbol+ qəzetinin baş redaktoru Mahir Rüstəmli məlumat yayıb. Qeyd edək ki, millimizin sabiq üzvü Nicat Muxtarovun kabel oğurluğu ittihamı ilə Sumqayıt polisi tərəfindən şübhəli şəxs qismində saxlanılmışdı.
Çempionlar Liqasının finalı Bakıda keçirilə bilər
Futbol üzrə Çempionlar Liqasının 2018-19 mövsümünün final matçının harada keçiriləcəyinə böyük ölçüdə aydınlıq gəlib. Qitənin ən nüfuzlu klub turnirinin həlledici oyununun Bakı Olimpiya Stadionunda baş tutmaq ehtimalı artıb. Çünki digər namizəd Madrid "Atletiko"sunun “Vanda Metropolitano” stadionu UEFA-nın tələblərinə tam cavab vermir. Madrid şəhərindəki arenanın 7000 VİP tutumu var ki, bu da çox az hesab olunur. VİP zonanın kiçikliyi ilə yanaşı, stadionətrafı ərazi də yetərincə deyil. Bu da qonaqların qəbulu zamanı çətinliklər yarada bilər. Stadionun inşası zamanı “Atletiko” rəhbərliyinin o qədər də önəm vermədiyi bu arqumentlər ÇL-in finalının İspaniya paytaxtında keçirilməsini sual altında qoyub. Nəricədə “Atletiko”nun son 4 ildə Çempionlar Liqasında yüksək səviyyədə çıxış etməsi, 2 dəfə finala, 1 dəfə də yarımfinala çıxması fonunda klubun stadionunun finalı qəbul etmək şansları aşağı qiymətləndirilir.
"Qarabağ" - "Roma" matçına bilet alanlara müraciət
"Qarabağ" UEFA Çempionlar Liqasının qrup mərhələsi çərçivəsində qarşılaşacağı İtaliyanın "Roma" klubu ilə ev oyununu canlı izləməyə hazırlaşan azarkeşlərinə müraciət edib. Müraciətdə bunlar qeyd olunub: "Bu gündən etibarən, "Qarabağ" - "Roma" matçına vauçerinizi biletə dəyişə bilərsiniz. iTicketAZ - ın çatdırılma xidmətini sifariş edən azarkeşlərimizlə tezliklə əlaqə saxlanılıb çatdırılmanı həyata keçirəcəklər. Çatdırılma xidmətini sifariş etməyən azarkeşlərimiz, aşağıda qeyd olunan satış məntəqələrinə yaxınlaşaraq vauçeri biletə dəyişə bilər".