İdman
""Barselona"da Paulinyo özünü göstərə biləcək"
Braziliyanın baş məşqçisi Tite 29 yaşlı Paulinyonun "Barselona" klubuna transferi haqqında danışıb.Təcrübəli mütəxəssis bunları deyib: "Fikrimcə, Paulinyo inkişaf edir. Onun səviyyəsi artır. Mənim fikrimcə, "Barselona"da dəstək və əmkdaşlıq atmosferi hökm sürür. O, yaxşı intuitsiya və oyun oxumaq qabiliyyətinə malikdir. Başqa güclü tərəfləri də var. Buna görə "Barselona"da Paulinyo özünü göstərə biləcək".
AFFA "Qəbələ"ni cərimələdi
Bu gün AFFA İntizam Komitəsinin iclası keçirilib. İclasda aşağıdakı qərar qəbul edilib: Topaz Premyer Liqasının 7-ci turunun "Qəbələ" - "Kəpəz" matçında "Qəbələ"nin 4 futbolçusu sarı vərəqə ilə cəzalandığı üçün klub 800 manat cərimə olunub.
"Renat 1 milyon avroya yığmaya cəlb edilib" - Çex mətbuatı
Azərbaycan millisi bu gün DÇ - 2018-in seçmə mərhələsində Çexiyanı qəbul edəcək. Bu maçt ərəfəsində Çexiya saytlarının birində ölkəmizdəki milliləşdirmə siyasəti ilə bağlı yazı dərc olunub. "Dili bilməyirsən? Vacib deyil. Bizim üçün futbol oynaya bilərsən. Braziliyalı indi Azərbaycana məxsusdu" sərlövhəli məqalədə milliləşdirilmiş futbolçular - Riçard Almeyda və Renat Dadaşov haqqında danışılıb.
Azərbaycan Kubokunun püşkatma mərasiminin vaxtı bilindi
Futbol üzrə Azərbaycan Kubokunun 2017/2018 mövsümünün püşkatma mərasiminin vaxtı müəyyənləşib. 18 komandanın qatılacağı tədbir oktyabrın 6-da AFFA-nın inzibati binasında keçiriləcək. Mərasim saat 13:00-da başlayacaq.
"Qarabağ"ın rəqibində itki
"Qarabağ"ın Çempionlar Liqasının qrup mərhələsindəki rəqibi "Roma"da itki baş verib. "Canavarlar"ın yarımmüdafiəçisi Lorenzo Pelleqrinisıradan çıxıb. Belə ki, DÇ-2018-in seçmə mərhələsində Makedoniya və Albaniya ilə oyunlar üçün İtaliya millisinə dəvət edilən 21 yaşlı yarımmüdafiəçi yığmanın düşərgəsində zədələnib. Əzələsində ağrı hiss edən gənc oyunçunun təxminən 10 gün futbol oynaya bilməyəcəyi açıqlanıb. Pelleqrininin A seriyasının növbəti turunda oktyabrın 14-də "Napoli"yə qarşı keçiriləcək matça yetişməsi gözlənilir.
Klub prezidenti bankın istədiyi 80 avronu futbolçudan aldı
"Kayserispor"la müqaviləsini birtərəfli qaydada pozaraq ayrılan braziliyalı futbolçu Velliton Birləşmiş Ərəb Əmirliklərinin "Əl Şaryah" klubuna transfer oluna bilmək üçün Türkiyə təmsilçisinə 1,5 milyon avro ödəmişdi. "Kayserispor" prezidenti Erol Bedir transferlə bağlı maraqlı bir məqamı açıqlayıb.
"Bavariya" yenə də "xilaskar"a müraciət etdi
"Bavariya" baş məşqçi problemini həll etməkdə çətinlik çəkir. İndi də Münhen nəhənginin Yupp Haynkesə müraciət etdiyi bildirilir. 72 yaşlı mütəxəssisdən mövsümün sonuna qədər komandaya rəhbərlik etmək xahiş olunub.
Azərbaycan millisi Çexiyaya qarşı
Bu gün futbol üzrə Azərbaycanın milli komandası dünya çempionatının seçmə mərhələsi çərçivəsində Çexiya yığması ilə qarşılaşacaq. Millinin baş məşqçisi Robert Prosineçki start heyətdə Kamran Ağayev, Pavel Paşayev, Bədavi Hüseynov, Rəşad Sadıqov, Məhəmməd Mirzəbəyov, Rahid Əmirquliyev, Riçard Almeyda, Əfran İsmayılov, Cavid Hüseynov, Dmitri Nazarov və Ruslan Qurbanovun meydana çıxacaqlarını deyib.
"Atletiko" kataloniyalı azarkeşləri stadiona buraxmayacaq
İspaniya La Liqasında 14 oktyabrda keçiriləcək "Atletiko" - "Barselona" matçı öncəsi Madrid təmsilçisi gözlənilməz qərar alıb. Klub rəhbərliyi "Barselona" azarkeşləri üçün nəzərdə tutulan biletlərin satışa çıxarılmayacağını açıqlayıb. Səbəb olaraq klubun yeni stadionu "Vanda Metropolitano" istiqamətində nəqliyyat problem göstərilib.
UEFA "Spartak"a qarşı intizam işi açdı
Rusiyanın "Spartak" klubuna qarşı intizam işi açıb. Moskva təmsilçisi Çempionlar Liqasının II turu çərçivəsində İngiltərənin "Liverpul" komandası ilə ev oyunu zamanı intizam reqlamentinin 3 bəndini pozmaqda ittiham olunur.
Ramil Quliyev Avropanın ən yaxşı kişi atleti arasında
Hazırda Türkiyəni təmsil edən əslən azərbaycanlı Ramil Quliyev Avropanın ən yaxşı kişi atleti adına namizədlərdən ibarət qısa siyahıya düşüb. 27 yaşlı idmançı 2017-ci ilin ən yaxşı 3 atleti sırasında yer alıb. Digər namizədlər isə fransalı onnövçü Kevin Mayerlə almaniyalı nizə atıcısı Yohannes Fetteldir.
Totti məşqçilik kursunu yarımçıq qoydu
"Roma"nın əfsanəvi kapitanı Françesko Totti məşqçilik lisenziyası almaq üçün qeydiyyatdan keçdiyi kursu yarımçıq qoyub. Bu barədə İtaliya Məşqçilər Assosiasiyası məlumat yayıb. Bildirilir ki, Totti bu dönəmdə kursa getməsinin mümkün olmadığını və bu səbəbdən belə addım atdığını quruma söyləyib. Tottinin yerinə kursa "Roma"nın digər sabiq futbolçusu Simone Perrotta gedəcək.
Mourinyonun adına küçə verildi
"Mançester Yunayted"in portuqaliyalı baş məşqçisi Joze Mourinyo dünən doğma şəhəri Setubala gedib. Mourinyonun doğulduğu şəhərdə onun adına küçə verilib. Mütəxəssis küçənin açılış mərasimində iştirak etmək üçün Setubala gedib. Əvvəllər "Rua da Saude" adlanan küçə bundan sonra "Avenida Jose Mourinho" olacaq. Mourinyo məsələ ilə bağlı fikirlərini bildirib: "Setubal dünyanın yeganə şəhəridi ki, burda mən özüm ola bilirəm
"Fənərbağça" dünya ulduzunu heyətinə qatır
"Fənərbağça" yeni transferlər etməyi düşünür. İsmayıl Köybaşı və Həsən Əli Kaldırımdan gözlənilən nəticəni ala bilməyən klub rəhbərliyi müdafiənin soluna yeni namizəd tapıb. İstanbul klubunun "Mançester Yunayted"in hollandiyalı ulduzu Deley Blind üçün danışıqlara başladığı iddia edilir. Müqaviləsi mövsümün sonunda bitəcək olan Blind üçün "Fənərbağça" yanvar ayında ingilis nəhənginə az miqdarda pul ödəyərək oyunçunu icarə əsasında öz heyətinə qatmaq istəyir. Mövsümün sonunda isə oyunçunu uzun müddətli müqavilə ilə komandaya qatmaq planlarını qurur.