"Barselona"dan inamlı qələbə VIDEO
"Elçe"ni qonaq edən kataloniyalılar oyundan 3:0 hesabı ilə qalib ayrılıb
"Barselona" yeni mövsümə qalibiyyətlə başlayıb.
ANS PRESS-in məlumatına görə, La Liqanın ilk həftəsində "Elçe"ni qonaq edən kataloniyalılar oyundan 3:0 hesabı ilə qalib ayrılıb.
Çempionluğun ən güclü namizədlərindən olan "Barselona"nın qonaq komanda qarşısında qurduğu təzyiq 42-ci dəqiqədə bəhrə vərib. Ev sahibinin ilk qolunu Messi vurub.
"Barselona"nın qol sevinci çox uzun davam etməyib. Bu qoldan 2 dəqiqə sonra Maskerano kobud müdaxiləyə görə qırmızı kart alaraq meydançanı tərk edib. İlk yarı minimal hesabla başa çatıb.
Oyunun ikinci dövrəsinə "Barselona" çox sürətli başlayıb.
Belə ki, 46-cı dəqiqədə səhnəyə çıxan El Haddadi topu tora ataraq hesabı 2-0-a gətirib. Qol pərdəsini 64-cü dəqiqədə Messi bağlayıb. Matç 3:0 hesabı ilə "Barselona"nın xeyrinə başa çatıb.