Daha bir ölkədən Trampın çağırışına rədd cavabı

Böyük Britaniya ABŞ Prezidenti Donald Trampın Hörmüz boğazı ilə bağlı çağırışını rədd edib.Globalinfo.az xəbər verir ki, bu barədə "The Telegraph" qəzeti məlumat yayıb."Böyük Britaniyanın Baş naziri Kir Starmer Hörmüz boğazına hərbi gəmilər göndərməkdən imtina edib", - deyə nəşr yazıb.

Britaniyanın Enerji Katibi Ed Miliband bildirib ki, London boğazda naviqasiyanı bərpa etmək üçün mümkün tədbirləri fəal şəkildə araşdırır, lakin hər hansı konkret öhdəlik götürməkdən imtina edib.

Məlumata görə, Britaniya hökuməti mina ovlayan dronlar göndərməyi nəzərdən keçirir, lakin hərbi gəmilər göndərməyə hazır deyil.

Qeyd edək ki, Donald Tramp daha əvvəl Çin, Fransa, Yaponiya, Cənubi Koreya, Böyük Britaniya və Yaxın Şərqdəki vəziyyətdən təsirlənən digər ölkələri Hörmüz boğazına gəmilər göndərməyə çağırmışdı. Yaponiya sözügedən təklifi qəbul edə bilməyəcəyini bildirmişdi.