Bu beş ölkə birgə HHM sistemləri yaradacaq

Böyük Britaniya və onun bir sıra Avropa müttəfiqləri yeni, qiymət baxımından səmərəli hava hücumlarından müdafiə (HHM) vasitələrinin birgə hazırlanması ilə məşğul olacaqlar.

Olaylar.az xarici KİV-ə istinadən xəbər verir ki, bu barədə Böyük Britaniya Müdafiə Nazirliyi məlumat yayıb.

"Böyük Britaniya və E5 üzrə tərəfdaşlarımız - Fransa, Almaniya, İtaliya və Polşa - NATO-nun müdafiə sipərini gücləndirmək məqsədilə yeni nəsil hava hücumundan müdafiə sistemlərinə və avtonom sistemlərə birgə investisiyaları artırırlar", - Böyük Britaniyanın müdafiə və sənaye naziri Lyuk Pollard bildirib.

Ötən həftə Böyük Britaniyanın Müdafiə Nazirliyi məlumat vermişdi ki, ölkə hökuməti 2025-ci maliyyə ilində digər Avropa dövlətləri ilə birgə həyata keçirilən uzaqmənzilli raket proqramlarının, eləcə də səs sürətini aşan silahlarının inkişafına 545 milyon ABŞ dolları ayıracaq.