TRIPP layihəsinin əsas hədəfi Sünikdəki uran yataqlarıdır – ÖZƏL

Olaylar.az xəbər verir ki, enerji təhlükəsizliyi üzrə ekspert, politologiya elmləri doktoru Vahe Davtyanın fikrincə, Ermənistanda "Tramp Marşrutu" (TRIPP) layihəsinin əsas məqsədlərindən biri Sünik vilayətindəki uran yataqlarına nəzarətin təmin edilməsidir. O bildirir ki, akademik Petros Aloyanın tərtib etdiyi uran xəritəsinə əsasən, Sünikdə iri uran zonası mövcuddur.

Davtyan hesab edir ki, Vaşinqtonun geo-iqtisadi hədəfi nüvə energetikasının sürətlə inkişaf etdiyi Çin və Rusiyadan geri qalmamaqdır. O, həmçinin qeyd edir ki, bu gün də ABŞ bazarına zənginləşdirilmiş uranın ən böyük tədarükçüsü Rusiyadır.

Ekspertin fikrincə, ABŞ Fransanın Nigerdə və Qabonda mövqelərinin zəiflədiyi bir vaxtda uran tədarükünün Parisə şaxələndirilməsinin qarşısını almağa çalışır və Avropa bazarını iqtisadi təsir zonası kimi görür. Davtyan vurğulayır ki, TRIPP Vaşinqtona Avropa-Qafqaz-Asiya beynəlxalq dəhlizində mövcudluq qazandıraraq logistika, enerji, yeraltı sərvətlər və hərbi-siyasi məsələlərin paralel həllinə imkan verir.