Luiziana ştatında həbsxanadan səkkiz təhlükəli məhbus qaçıb-L ÖZƏL

ABŞ-ın Luiziana ştatında yerləşən istintaq təcridxanasından səkkiz məhbus qaçıb. Olaylar.az xəbər verir ki, bu barədə yerli WAFB9 telekanalı məlumat yayıb. Hüquq-mühafizə orqanlarının verdiyi məlumata görə, qaçanlardan üçü artıq saxlanılıb. Lakin qalan beş nəfər hələ də axtarışdadır.
Bildirilir ki, qaçan məhbuslar arasında ağır cinayətlərdə, o cümlədən Şərqi Baton-Ruj dairəsində törədilmiş qətllərdə ittiham olunan şəxslər var. Səlahiyyətli qurumlar qeyd ediblər ki, bəzi qaçqınlar əvvəllər qətl və digər zorakı cinayətlərin istintaqları çərçivəsində saxlanılmışdı.