Avropa İttifaqında Rusiyalı jurnalistlərə sanksiya tətbiq olunub

Avropa İttifaqı dörd rusiyalı televiziya jurnalistinə - Dmitri Quberniyev, Yekaterina Andreyeva, Pavel Zarubin və Mariya Sittelə, həmçinin artistlər Roman Çumakov (təxəllüsü - Roma Jiqan) və Sergey Poluninə qarşı sanksiyalar tətbiq edib.

Olaylar.az xarici KİV-ə istinadən xəbər verir ki, bu barədə Aİ-nin "Rəsmi Jurnalı"nda dərc olunan sənəddə qeyd olunur.

Avropa İttifaqı onların hamısını peşəkar jurnalist və yaradıcılıq fəaliyyəti çərçivəsində Ukrayna ilə bağlı Rusiya Federasiyası hökumətinin fəaliyyətini dəstəkləməkdə ittiham edib.

Aİ-nin fərdi sanksiyaları Avropa İttifaqı ərazisinə girişin qadağan edilməsini, həmçinin mövcud olduğu təqdirdə Avropa banklarında yerləşən istənilən maliyyə aktivlərinin dondurulmasını nəzərdə tutur.