Çexiya Xarici İşlər Nazirliyi rusiyalı diplomatlar üçün sərt giriş qaydaları tətbiq etməyib- ÖZƏL 

Çexiya Xarici İşlər Naziri Petr Marçinka rusiyalı diplomatların ölkəyə girişində sərt qaydalar tətbiq etməyib.  Olaylar.az xəbər verir ki, Seznam Zpravy portalının çex xüsusi xidmətlərinə istinadla verdiyi məlumata görə, nazir əvvəlki hökumətin hazırladığı qaydaları qəbul etməyərək yalnız diplomatların gəlməsini əvvəlcədən bildirmə tələbini tətbiq edib.
Portalın məlumatına görə, hazırda Rusiyanın digər Avropa İttifaqı ölkələrində akkreditə olunmuş diplomatları Çexiyaya gəlməzdən əvvəl yalnız Xarici İşlər Nazirliyinə bir gün öncə e-mail vasitəsilə xəbər verməlidirlər.
"Bu tədbir üzv dövlətlərə girişin təsdiqlənməsi kimi digər mexanizmlər tətbiq etməyə imkan verir. Hazırda isə Çexiya yalnız bildiriş tələbini tətbiq edir. Praha mövcud praktikanı qiymətləndirdikdən sonra növbəti addımlarını atacaq," - deyə portal MİD-in cavabını yayıb.
Qeyd olunur ki, əvvəlki hökumət, baş naziri Petr Fiala rəhbərliyində, Rus diplomatlarının əvvəlcədən çex xüsusi xidmətləri tərəfindən yoxlanmasını nəzərdə tutan qaydaları hazırlamışdı. Mənbələr həmçinin bildirir ki, Marçinka çex hüquq-mühafizə orqanları arasında rus diplomatları barədə məlumat mübadiləsi sisteminin yaradılmasını təsdiqləməyib.