Finlandiya kəşfiyyatı: Rusiyanın Cənubi Qafqazdakı təsiri zəifləyib – ÖZƏL

Olaylar.az xəbər verir ki, Finlandiya Hərbi Kəşfiyyatının 2026-cı il üzrə icmalında bildirilir ki, Rusiya Cənubi Qafqazda mühüm oyunçu olaraq qalır, lakin regiondakı təsiri xeyli azalıb. Moskva Ermənistan-Azərbaycan münaqişəsində xarici vasitəçi mövqeyini itirib, hər iki ölkə ilə münasibətləri zəifləyib. Eyni zamanda, siyasi baxımdan Gürcüstanın Rusiya ilə yaxınlaşdığı qeyd olunur.

Sənədə görə, Rusiyanın əsas məqsədi - qlobal təsirini artırmaq - dəyişməz qalır. Kreml Qərb liberal demokratiyasını təhdid kimi qiymətləndirir və Ukraynadakı müharibə, digər münaqişələr və hibrid təsir alətləri vasitəsilə Qərbi zəiflətməyə çalışır.

İcmalda vurğulanır ki, Rusiyanın diqqəti keçmiş SSRİ məkanına, xüsusilə Ukraynadakı müharibəyə yönəlib. Belarus Moskvanın sərt nəzarəti altında qalır. Moldovada 2025-ci ilin payızında keçirilən parlament seçkilərində pro-Avropa qüvvələr qalib gəlsə də, Rusiya hibrid təsir metodları və Dnestryanı münaqişədən istifadə etməklə siyasi təsirini artırmaq cəhdlərini davam etdirir.