ABŞ borcunu ödəmədən ÜST-dən çıxdı

ABŞ Ümumdünya Səhiyyə Təşkilatından (ÜST) çıxıb.

Bildirilib ki, bu barədə ABŞ prezidenti Donald Tramp bir il bundan əvvəl göstəriş verib və çıxış prosesi rəsmi olaraq dünən tamamlanıb.

ABŞ rəsmiləri vurğulayıblar ki, ÜST əsas missiyasından uzaqlaşaraq, siyasiləşmiş və bürokratik yanaşma sərgiləyib, bir sıra hallarda isə ABŞ-nin maraqlarına zidd mövqe nümayiş etdirib.

Qeyd olunub ki, ABŞ təşkilatın təsisçi üzvü və ən böyük maliyyə təminatçısı olsa da, ÜST qərarlarında Amerika maraqlarına düşmən münasibət bəsləyən dövlətlərin təsiri altında fəaliyyət göstərib.

Əlavə edilib ki, ABŞ-ın hələ də sözügedən təşkilata 260 milyon dollar borcu var.

Təşkilata ödənilən bütün maliyyə vəsaiti dayandırılıb.