Avropa İttifaqından Sülh Şurası açıqlaması

Mandatı Qəzza zolağı ilə məhdudlaşarsa, Avropa İttifaqı (Aİ) Sülh Şurasını dəstəkləyə bilər. Musavat.com xəbər verir ki, Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas qurumun fövqəladə sammiti öncəsi jurnalistlərin suallarını cavablandırarkən deyib.

Yanvarın 22-də Davosda keçirilən Dünya İqtisadi Forumu çərçivəsində 19 ölkənin nümayəndələri Qəzza zolağında sülh nizamlanmasının bir hissəsi kimi yaradılmış Sülh Şurasının Nizamnaməsini imzalayıblar.Prezident Tramp digər ölkələrin də təşkilata qoşulduğunu açıqlayıb.

Sülh Şurası Qəzza zolağına rəhbərlik etmək üçün İsrail və radikal Fələstinin HƏMAS hərəkatı arasında bağlanmış razılaşmaya əsasən yaradılıb, lakin onun digər bölgələrdə münaqişələrin qarşısının alınması və həllində də iştirak edəcəyi gözlənilir.