Türkiyənin həmin ərazisi işğaldan azad olundu

Suriya ordusu Türkiyə üçün tarixi əhəmiyyətə malik olan Süleyman Şah türbəsinin yerləşdiyi Karakozak kəndini YPG-dən geri alıb.

Milli.Az xəbər verir ki, əməliyyat çərçivəsində Suriya ordusunun kənddəki Caber qalasını tamamilə nəzarətə götürdüyü bildirilib.

YPG ilə Suriya hökuməti arasında əldə edilən atəşkəs razılaşmasına baxmayaraq, Suriya ordusunun Fərat çayı boyunca irəliləməsinə davam etdiyi bildirilən məlumatlara görə, ərazidə hərbi fəaliyyət davam edir.

Bu çərçivədə keçirilən son əməliyyatda uzun müddətdir YPG-nin nəzarəti altında olan Karakozak kəndinin təmizləndiyi bildirilib.

Terror təşkilatı körpünün ətrafını və Süleyman Şah türbəsinin ərazisini intensiv şəkildə minalaşdırdığı üçün əraziyə daxil olmaq hələlik mümkün deyil. Minalar və digər partlayıcı maddələr təmizləndikdən sonra ərazi təhlükəsiz hala gətiriləcək.