Trampın qırmızı xətti: “İran bitəcək”

ABŞ prezidenti Donald Tramp İran hakimiyyətindən onun həyatına qarşı mümkün sui-qəsd hədələrinin davam edəcəyi təqdirdə ölkənin tam məhvi ilə üzləşə biləcəyini bildirib.

Musavat.com xəbər verir ki, Trampın sözlərinə görə, belə bir hal baş verərsə, cavab son dərəcə sərt olacaq.

ABŞ prezidenti qeyd edib: "Əgər nəsə baş versə, bütün ölkə partlayacaq. Biz onlara çox güclü zərbə endirəcəyik." O vurğulayıb ki, bu ssenari ilə bağlı aidiyyəti qurumlara artıq "son dərəcə ciddi göstərişlər" verilib.

Bu fikirlər "NewsNation" telekanalına müsahibə zamanı səsləndirilib. Tramp eyni zamanda keçmiş prezident Co Baydeni İrana qarşı kifayət qədər sərt mövqe ortaya qoymamaqda ittiham edib.