Tehran: Üçtərəfli Komitənin üçüncü iclasında "Pekin sazişi" izlənir – ÖZƏL

Olaylar.az xəbər verir ki, İran-Səudiyyə Ərəbistanı-Çin Birgə Üçtərəfli Komitəsinin üçüncü iclası bu gün, çərşənbə axşamı (9 dekabr), Tehranda keçirilir. Görüşdə İran nümayəndə heyətinə Xarici İşlər Nazirinin siyasi məsələlər üzrə müavini Məcid Taxt Rəvançi sədrlik edir.

Bu üçtərəfli görüş 2023-cü il martın 10-da Pekində imzalanan və Tehran ilə Ər-Riyad arasında diplomatik əlaqələri bərpa edən "Pekin Sazişi"nin icrasını izləmək məqsədi daşıyır.

Ötən ilin noyabrında Ər-Riyadda keçirilən ikinci iclasda tərəflər suverenliyə, müstəqilliyə və təhlükəsizliyə hörmət də daxil olmaqla, sazişin tam icrasına və dövlətlərarası münasibətlərin gücləndirilməsinə sadiqliklərini təsdiqləmiş, həmçinin bu prosesdə Çinin rolunu yüksək qiymətləndirmişdilər.