Suriya keçid hökumətindən: Əsəd rejimi çöküş mərhələsindədir - ÖZƏL

Suriyanın keçid dövrü prezidenti Əhməd əş-Şaraa bildirib ki, ölkədə Bəşər Əsəd hakimiyyətinin sonunun yaxınlaşdığını 2024-cü ilin noyabrında Rusiyadan aldığı xəbərdarlıqdan sonra hiss edib.

Olaylar xəbər verir ki, bu fikirləri o, "Al Jazeera" telekanalında nümayiş etdirilən film üçün verdiyi şərhlərdə səsləndirib.

Əş-Şaraa deyib ki, müxalifət qüvvələri Əl-Ələpponun qərb hissəsinə nəzarəti ələ keçirdikdən sonra Rusiya tərəfindən mesaj alıb.

"Təqdim olunan mesajda deyilirdi: chr("39")Burada dayanıb ələ keçirdiklərinizi saxlayın, əks halda vəziyyət daha da gərginləşəcəkchr("39")", - kanal məlumat verir.

Onun sözlərinə görə, məhz bu xəbərdarlıqdan sonra "Əsəd rejimi üçün vəziyyətin çökməyə doğru getdiyini" anlayıb.

Xatırladaq ki, ötən ilin dekabrında Bəşər Əsəd ailə üzvləri ilə birlikdə Moskvaya gəlmiş və Rusiya onlara sığınacaq vermişdi. Rusiya diplomatı Mixail Ulyanov həmin vaxt bildirmişdi ki, Rusiya çətin vəziyyətlərdə dostlarını tərk etmir və bu xüsusiyyəti ilə ABŞ-dan fərqlənir.

Bu ilin noyabrında isə Suriyanın keçid hökumətinin müdafiə naziri Mürxəf Əbu Kasra Dəməşqdə Rusiya nümayəndə heyətini qəbul etmişdi. Kreml açıqlamışdı ki, Moskva Suriyanın yeni rəhbərliyi ilə əlaqələrin qurulması üzərində işləyir.

İbrahim Məmmədli