Əş-Şaraa Rusiyanın Əsəd rejimini xilas etmək üçün son cəhdini ifşa etdi

Suriyanın Prezidenti Əş-Şaraa "Al Jazeera" kanalının yeni sənədli filmində Rusiyanın Əsəd rejimini son anda xilas etməyə çalışdığı hadisələrin detalları ilə bağlı səs-küylü açıqlamalar verib.

Olaylar.az-ın məlumatına görə Əş-Şaraa bildirib ki, 2024-cü ilin noyabrının sonunda "Həyat Tahrir əş-Şam" qruplaşmasının rəhbərlik etdiyi üsyançılar Əl-Əpponun qərb hissəsinə nəzarəti ələ keçirdikdən sonra onlar Rusiyadan xüsusi mesaj alıblar. Mesajda deyilirdi:

"Burada dayanıb ələ keçirdiyiniz əraziləri götürün, əks halda vəziyyət daha da gərginləşəcək".

Əş-Şaraa deyib ki, bu xəbərdarlıq ona Əsəd rejiminin artıq çökməkdə olduğunu anladıb.

Onun sözlərinə görə, 7 dekabr 2024-cü ildə Homs şəhərinin üsyançılar tərəfindən alınmasından dərhal sonra Dəməşqə doğru hücum əməliyyatı planlaşdırılıb. Əş-Şaraa açıqlamasında bildirib:

"Sərəncamı gecə saat 01:30-da verdim və qüvvələrimiz paytaxta doğru irəlilədi. Onlar 8 dekabrın sübh çağı Dəməşqə daxil oldular".

Açıqlandığı kimi, bu hadisələr Suriyada hakimiyyət dəyişikliyinə aparan ən kritik məqamlardan biri olub və Rusiyanın müdaxilə cəhdlərinin nəticə vermədiyini göstərib. (musavat.com)