Avropa Parlamenti rəhbəri Kiyevdə: "İlk gündən yanınızdayıq" – ÖZƏL

Avropa Parlamentinin (AP) prezidenti Roberta Metsola Rusiyanın Ukraynaya qarşı genişmiqyaslı təcavüzünün başlanmasından 1300 gün sonra Kiyevə səfər edib. 

Olaylar.az xəbər verir ki, bu barədə o, özünün X sosial platformasında yazıb.
"Kiyevə qayıdıram. Təcavüzün başlamasından 1300 gün keçir. Mən Avropa Parlamentinin güclü dəstək mesajı ilə Ukraynadayam", - Metsola bildirib.

O, həmçinin əlavə edib: "İlk gündən yanınızda olduğumuz kimi, bundan sonra da yanınızda qalacağıq".

Xatırladaq ki, AP prezidenti bu gün Kiyevə çatıb. Millət vəkili Aleksey Qonçarenkonun sözlərinə görə, Metsolanın Ali Radada çıxış edəcəyi gözlənilir.