Məscidin yanına donuz başı atan rus həbs edildi

Rusiya polisi məscidin yaxınlığına donuz başı atan şəxsi saxlayıb.

Teleqraf xəbər verir ki, bu barədə Rusiya Federasiyası İstintaq Komitəsi məlumat yayıb.

Bildirilir ki, Adıgeydə yerli təhlükəsizlik qüvvələri Taxtamukayski rayonunun Kozet kəndindəki məscidin yaxınlığında donuz başı atan şəxsi saxlayıb.

Şübhəli şəxs Anapa şəhərində yaşadığı ünvanda saxlanılaraq polis bölməsinə aparılıb. O, Adıgeydəki müvəqqəti saxlama təcridxanasına yerləşdirilib

Qeyd olunur ki, saxlanılan şəxs barəsində dindarların hisslərini təhqir etdiyinə görə cinayət işi açılıb.