NYT: Rusiya Ukraynanın pilotsuz uçuş aparatları üstünlüyünü aradan qaldırdı - ÖZƏL

Olaylar.az xəbər verir ki, ABŞ-ın The New York Times qəzeti yazır ki, Rusiya pilotsuz uçuş aparatlarının (BPUA) istehsalını kəskin artıraraq, münaqişənin əvvəlində Ukraynanın bu sahədəki üstünlüyünü neytrallaşdırıb. Qəzet qeyd edir ki, əvvəllər rus ordusu Ukraynadakı hədəflərə hücum zamanı təxminən 40 BPUA istifadə edə bilirdisə - həm zərbə, həm də saxta hədəf funksiyası daşıyanlar indi onların sayı  mindən çox ola bilər. "BPUA-ların kəskin artımı, yeni texnologiyalar və taktikanın tətbiqi Ukrayna üçün ciddi problem yaradıb. Münaqişənin əvvəlində üstünlük Ukraynada idisə, indi Moskva bunu tamamilə aradan qaldırıb", - NYT bildirir. Qəzetin qiymətləndirməsinə görə, Rusiya hazırda müxtəlif tipli BPUA-ları ildə təxminən 30 min ədəd istehsal edə bilir və 2026-cı ildə bu rəqəmin iki dəfə arta biləcəyi ehtimal olunur. The New York Times vurğulayır ki, BPUA istehsalını ölkənin yüksək rəhbərliyi nəzarətdə saxlayır və məqsəd Rusiya daxilində dövlət və özəl resursları səfərbər edərək "BPUA istehsalı imperiyasını" yaratmaqdır.