İrəvan Şurasının iclası yarımçıq qaldı – müxalifət hakim partiyanı tənqid etdi – ÖZƏL

Olaylar.az xəbər verir ki, 22 aprel tarixində İrəvan Şəhər Şurasının iclasında elan edilən fasilədən sonra hakim "Vətəndaş Müqaviləsi" partiyasının fraksiya üzvləri zalına qayıtmayıb və iclas başa çatıb.

Qeyd edək ki, gündəlikdə yalnız son məsələ - "Ana Ermənistan" blokunun fraksiyası tərəfindən irəli sürülmüş təklif müzakirə olunmamış qalmışdı. Təklifə əsasən, nəqliyyatda gedişhaqqının artırılması ilə bağlı qərarın 2026-cı il martın 1-dək dayandırılması və 2025-ci ilin gedişhaqqı məlumatlarına əsasən qiymətlərin müəyyənləşdirilməsi təklif edilirdi.

Blokun fraksiya rəhbəri Manuk Sukiasyan zalda çıxış edərək bildirib: "Bir daha qeyd edirik ki, bu gün İrəvana qorxaq və məsuliyyətsiz insanlar rəhbərlik edir. Onlar bir daha özlərinin çağırdığı iclasdan qaçdılar. Birmənalı şəkildə bildirirəm: 'Vətəndaş Müqaviləsi' bizdən nə zalda, nə küçədə, nə də məhkəmələrdə qaça bilməyəcək. Hər bir məsələ üzrə, hər istiqamətdə mübarizə apararaq onları sonda hakimiyyətdən uzaqlaşdıracağıq. Hakim partiyanın həm bu gün, həm də əvvəlki iclaslarda, xüsusilə də bu məsələnin müzakirəsindəki davranışı İrəvan sakinlərinə qarşı hörmətsizlikdir. Əgər gizlədəcək bir şeyləri yoxdursa, iştirak etməli idilər."