Alimlər Mars planetinin səthinin altında yeni su obyektləri aşkar ediblər- ÖZƏL

Olaylar.az xəbər verir ki, italyan alimləri Marsda duzlu göllər şəbəkəsi aşkar ediblər.

İtalyan alimləri Marsın cənub qütbündə buzlaqların altında duzlu göllər şəbəkəsi aşkar ediblər. Mətbuatda yayılan məlumatlara görə, kəşf planetin iqlim tarixinin daha dərindən öyrənilməsinə töhfə verəcək və Marsda həyatın olma ehtimalını müəyyən etməyə kömək edəcək.

Məlumdur ki, iki il əvvəl italyan mütəxəssislər artıq Marsda oxşar su anbarını aşkar etmişdilər. Bununla belə, planetin ətrafında orbitdə olan Mars Express tədqiqat stansiyasında quraşdırılmış MARSIS radarından istifadə edilməklə və bu barədə məlumatların toplanması ilə yeni yerlər aşkar edilib.

Qeyd olunur ki, son on il ərzində planetoloqlar Qırmızı Planetin səthində çayların, göllərin və hətta şirin su okeanlarının mövcud olmasına dair çoxlu sübutlar aşkar ediblər. Marsda Yerdəki kimi həyatın ola biləcəyinə dair bir nəzəriyyə var.

Bəzi elm adamları da fikrini bildirirlər ki, Mars mövcudluğunun ilkin mərhələsində Yerə bənzəyirdi, təkcə su ehtiyatlarına deyil, həm də mülayim iqlimə və atmosferə malikdir.

Ancaq bu şərtlər yalnız qısa müddət ərzində - planetin yaranmasından təxminən bir milyard il sonra mövcud idi. Marsın 3,6 milyard il əvvəl səhraya çevrildiyi güman edilir.

Bu yaxınlarda o da məlum olub ki, Kanar Astrofizika İnstitutunun əməkdaşları ultrabənövşəyi diapazonda ən parlaq qalaktikanı kəşf ediblər. Bu qalaktikanın içində yatmış qara dəliyin olduğuna inanılır.