“Rusiya bu halda belə, hərbi əməliyyatlara fasilə verməyəcək”

"Biz həmişə danışıqları döyüşlərdən və müharibələrdən üstün tuturuq".

Olaylar bildirir ki, bunu Rusiya xarici işlər naziri Sergey Lavrov yerli KİV-ə müsahibəsində deyib.

Danışıqların hər zaman üstünlük verilən variant olduğunu söyləyən Rusiya XİN başçısı Ukrayna ilə Belarus və İstanbulda keçirilən görüşləri xatırladıb.

Lavrov qeyd edib ki, Ukrayna üzrə danışıqlar başlasa belə, Rusiya hərbi əməliyyatları dayandırmayacaq: "Kiyevə inam yoxdur, Rusiya Ukrayna ilə bağlı danışıqlar başlasa belə, hərbi əməliyyatlara fasilə verməyəcək".

O, Rusiyanın bu gün Ukraynada xüsusi hərbi əməliyyatın davam etdirilməsinin zəruriliyinə tam əmin olduğunu vurğulayıb. (APA)