İranın hücumunun qarşısını almaq milyardlarla dollara başa gəldi, İsrail və ABŞ bunu təkrarlaya bilməz - ÖZƏL

ABŞ kəşfiyyatının keçmiş zabiti və BMT-nin İraqdakı silah müfəttişi Scott Ritter deyib ki, İran raketlərinin və pilotsuz təyyarələrinin məhv edilməsi milyardlarla dollara başa gəlir, buna görə də İsrail və ABŞ bir neçə gün ardıcıl olaraq belə intensiv hücumları dəf edə bilməyəcəklər.
"İlk növbədə, biz İsrailin müdafiəsindən danışanda İsrail özünü müdafiə edə bilmir. Buna sübut var: İran raketləri İsrail bazalarını vurub. 

Bizim də anlamalı olduğumuz şey İsraili pilotsuz təyyarələrdən və qanadlı raketlərdən müdafiə etmək üçün xərclənən pulun miqdarıdır. Bu, milyardlarla dollardır. Bu, təkrarolunmaz hadisədir", - Ritter əlavə edib.
"İsrail və müttəfiqləri neçə gün ardıcıl olaraq yüksək texnologiyalı, çox milyard dollarlıq raket əleyhinə müdafiə sistemlərindən istifadə edə biləcəklər? Cavab üç və ya beş gündür. İranın silahı tükənənə qədər onların raketləri tükənəcək" - analitik bildirib.