İsrail Suriya və Livana hücumları dayandırmalıdır - ÖZƏL

Olaylar.az xəbər verir ki, Çinin BMT-dəki daimi nümayəndəsinin müavini Qenq Şuanq bildirib ki, İsrail hakimiyyəti Livan və Suriyadakı hədəflərə hücumları dərhal dayandırmalıdır, belə hərəkətlər bütün Yaxın Şərq regionunun təhlükəsizliyinə təhlükə yaradır.
"İsrailin Livan və Suriyadakı hədəflərə tez-tez hücum etməsi iştirakçı ölkələrin suverenliyi, müstəqilliyi və ərazi bütövlüyünün ciddi şəkildə pozulmasıdır və bu, regionda gərginliyi artırır. Bu cür təxribat xarakterli hərəkətlər böhranın genişlənməsinə səbəb ola bilər. Bu hərəkətlər dərhal dayandırılmalıdır", - o, İsrailin Suriyadakı İran diplomatik obyektlərinə zərbə endirməsi ilə bağlı Rusiyanın tələbi ilə çağırılan BMT Təhlükəsizlik Şurasının iclasında bildirib.