İranın Dəməşqdəki konsulluğuna hücumda ölənlərin sayı artıb

Ötən gün İsrail HHQ-nin İranın Dəməşqdəki konsulluğuna hücumu nəticəsində ölənlərin sayı 13 nəfərə çatıb.

Olaylar bu barədə İran KİV-ə istinadən məlumat verib.

Məlumata görə, nəticədə İranın 7 hərbi məsləhətçisi və 6 Suriya vətəndaşı ölüb.

Bildirilir ki, indiyədək İranın hərbçiləri və 4 Suriya vətəndaşının cəsədi uçqunlar altından çıxarılıb, 2 cəsədin tapılaraq çıxarılması əməliyyatı davam etdirilir.

Qeyd edək ki, dünən yerli vaxtla saat 17:00 radələrində İsrail HHQ-nin Dəməşqin Mezze məhəlləsini vurması nəticəsində İran İslam İnqilabı Keşikçiləri Korpusunun (SEPAH) Suriya və Livan üzrə komandanı, general Məhəmməd Rza Zahedi və onun müavini Məhəmməd Hacı Rəhimi ölüb.