Tokayev Qazaxıstanın Ali Auditor Palatasının sədrini vəzifədən azad edib

Qazaxıstan prezidenti Kasım-Jomart Tokayev Ali Auditor Palatasının sədri Natalya Qodunovanı vəzifəsindən azad edib.

Olaylar xəbər verir ki, bu barədə Qazaxıstan prezidentinin mətbuat xidməti məlumat yayıb.

Qeyd edək ki, Natalya Qodunova 2022-ci ilin noyabr ayında Qazaxıstan prezidenti Kasım-Jomart Tokayevin qərarı ilə Ali Auditor Palatasının sədri təyin edilmişdi.

Daha əvvəl Qodunova dövlət büdcəsinin icrasına nəzarət üzrə Hesablama Komitəsinə rəhbərlik edib. 2022-ci ilin iyun ayında Qazaxıstanda Konstitusiyaya düzəlişlər üzrə referendumun nəticələrinə əsasən, Tokayev büdcə sahəsində səlahiyyətləri parlamentə ötürüb. Hesablama Komitəsi isə Ali Auditor Palatası ilə əvəz olunub.