Çin müdafiəni gücləndirmək, ordunu modernləşdirmək üçün potensialı səfərbər edəcək - ÖZƏL

Olaylar.az xəbər verir ki, Çin ordusunun yüksək rütbəli komandiri Ümumçin Xalq Nümayəndələri Konqresinin (parlament) iclasında bildirib ki, Çin silahlı qüvvələrinin modernləşdirilməsi və ölkənin müdafiə qabiliyyətinin gücləndirilməsi üçün resursları səfərbər etməli və səyləri gücləndirməlidir.
Çin Müdafiə Nazirliyinin bildirdiyi kimi, parlamentin iclasında çıxış edən Mərkəzi Hərbi Komissiyanın sədr müavini Zhang Youxia hərbi hazırlığı gücləndirməyə və qoşunların döyüş əməliyyatlarına hazırlığını yüksəltməyə çağırıb.
"İnteqrə edilmiş milli strateji sistemi və potensialı gücləndirmək və təkmilləşdirmək, əsas hərbi və regional qüvvələri birləşdirmək lazımdır... Milli müdafiə sisteminin və silahlı qüvvələrin modernləşdirilməsini daha yaxşı təşviq etmək üçün ölkənin hərtərəfli qüdrətinə arxalanmaq lazımdır", - Zhang Youxia vurğulayıb.