Malta ATƏT sədri kimi Dnestrdəki vəziyyəti yaxından izləyir - ÖZƏL

Bu il ATƏT-ə sədrlik edən Malta Dnestr çayının hər iki tərəfindəki hadisələri diqqətlə izləyir və Dnestryanı münaqişənin sülh yolu ilə həllini alqışlayacaq.

Olaylar.az xəbər verir ki, bunu Malta Xarici İşlər Nazirliyi bildirib.
"Malta sədrliyi Dnestr çayının hər iki sahilində baş verən hadisələri diqqətlə izləyir. Biz başa düşürük və alqışlayırıq ki, tərəflər arasında həqiqətən də davam edən dialoq var, bunu yanvarın 16-da keçirilən təkbətək görüş də sübut edir. Eyni zamanda, biz hər iki tərəfin bütün açıq məsələlərin, eləcə də münaqişənin yalnız sülh yolu ilə həllinə sadiqliklərini ardıcıl olaraq təsdiqləmələrini yüksək qiymətləndiririk", - nazirlikdən bildiriblər.
Bundan əvvəl separatçı Dnestryanı bölgənin prezidenti Vadim Krasnoselskinin təşəbbüsü ilə Tiraspolda keçirilən hökumətin bütün səviyyələrini təmsil edən deputatların qurultayı Moldovanın təzyiqlərinə qarşı Rusiyadan kömək istəyib, həmçinin beynəlxalq ictimaiyyətə kömək üçün müraciət edib.