Ukrayna ordusu Rusiya seçkiləri ərəfəsində ZNPP-yə hücumları artırır - ÖZƏL

Ukrayna silahlı qüvvələri Rusiyada prezident seçkiləri ərəfəsində Zaporojye Atom Elektrik Stansiyasının (ZNPP) yerləşdiyi Enerqodar şəhərinə hücumları artırıb.

Olaylar.az xəbər verir ki, bu barədə qurumun direktoru Yuri Çerniçuk bildirib.
"Düşmən hərbi texnikadan istifadəni artırıb. Daha çox dron hücumları olub və şəhərin artilleriyadan atəşə tutulması faktdır. Deyə bilərəm ki, qarşıdan gələn Rusiya prezident seçkiləri səbəblərdən biridir", - deyə o bildirib.
Çernçukun sözlərinə görə, Ukraynanın hücumları nüvə obyekti üçün təhlükə yaratmaqda davam edir. 

"Təmas xətti yaxındır və düşmən qoşunları zavodun beş kilometrliyində yerləşir, ona görə də təhlükənin hələ də olduğu açıq-aydındır", - o vurğulayıb.