Qərbin köməyi olmasa, Ukrayna pul çap etməyə başlamalı olacaq - ÖZƏL

Qərb ölkələrinin dəstəyi olmasa, Ukrayna büdcə xərclərini azaltmağa və ya kəsiri doldurmaq üçün pul çap etməyə başlamağa məcbur olacaq. 

Olaylar.az xəbər verir ki, bu barədə The Wall Street Journal məlumat verib.

Onun sözlərinə görə, Kiyev qısamüddətli perspektivdə Qərb dəstəyinin azalması fonunda daha həssas vəziyyətdədir. ABŞ-da 2024-cü ildə keçiriləcək prezident seçkilərindən sonra Vaşinqtonun Ukraynaya yardıma yanaşmasını dəyişə biləcəyi ilə bağlı narahatlıq da artır.

Nəşrin qeyd etdiyi kimi, Kiyev kəsiri doldurmaq üçün ya xərclərin azaldılmasına əl atmalı, ya da pul çap etməyə başlamalıdır. Qəzet qeyd edir ki, hər iki variant ölkə iqtisadiyyatı üçün ciddi risk yarada bilər.

Daha əvvəl Beynəlxalq Valyuta Fondunun icraçı direktoru Kristalina Georgiyeva demişdi ki, Ukrayna "bir neçə ay" xarici maliyyə yardımının olmamasına tab gətirə bilər, lakin Aİ və ABŞ problemi həll edə bilməsə, onu çətinliklər gözləyir. 

Aİ-nin dekabrda keçirilən sammiti zamanı icma liderləri ölkənin dörd illik dəstək proqramına uyğun olaraq Ukraynaya 50 milyard avro ayrılması məsələsini həll edə bilməyiblər və Konqres hələ də Kiyevə 61 milyard dollarlıq yardım paketini təsdiqləməyə hazır deyil.