Aİ-də təhlükəsizlik arxitekturası Rusiya Federasiyası olmadan mümkün deyil - ÖZƏL
"Avropa dövlətlərində gələcək təhlükəsizlik arxitekturası Rusiya Federasiyasının iştirakı olmadan istisna edilir".
Olaylar.az xəbər verir ki, bunu Macarıstanın Aİ məsələləri üzrə naziri Yanoş Bok bildirib.
O vurğulayıb ki, bu mövzu ətrafında müzakirələrdə Avropa İttifaqı həlledici rol oynamalıdır.
"Avropanın gələcəyi üçün təhlükəsizlik arxitekturası yalnız Rusiyanın orada iştirakı ilə yaradıla bilər, onu istisna etməklə deyil", - o, deyib.
Bu bəyanat Aİ-nin gələcəkdə Rusiya Federasiyası ilə münasibətləri yaxşılaşdırmaq qabiliyyətinə dair suala cavab olaraq verilib.
Nazir ümid etdiyini bildirib ki, Avropa İttifaqı bu təhlükəsizlik müzakirələrində "həlledici rol" oynaya biləcək və Rusiya tərəfi "vaxt gələndə" bu müzakirələrdə iştirak edəcək.
Rusiya Federasiyasının BMT-dəki daimi nümayəndəsinin müavini Dmitri Polyanski bildirib ki, Ukrayna münaqişəsi başa çatdıqdan sonra Moskva ilə Avropa arasında ümumi Avropa təhlükəsizliyinə dair müzakirə tələb olunacaq.
O vurğulayıb ki, müzakirədə Rusiya tərəfinin maraqları nəzərə alınmalıdır. Polyanski qeyd edib ki, Rusiya bir dövlətin təhlükəsizliyi digər dövlətin təhlükəsizliyi hesabına təmin edilə bilməyəndə bölünməz təhlükəsizlik prinsipinin tərəfdarıdır.
Xatırladaq ki, Macarıstanın baş naziri Viktor Orban Kiyevə yardımın əleyhinədir və həmçinin hesab edir ki, hazırda Ukrayna Avropa İttifaqına daxil ola bilməz.