ABŞ Dövlət Departamenti İsrailə 155 mm-lik sursat satışına icazə verib - ÖZƏL

Xəbərlərimizi "WhatsApp" kanalımızdan oxuyun

"ABŞ Dövlət katibi Antoni Blinken İsrailə smeta dəyəri 147,5 milyon dollar olan 155 mm-lik mərmilərin mümkün satışını təsdiqləyib".

Olaylar.az xəbər verir ki, bunu ABŞ Müdafiə Təhlükəsizliyi Əməkdaşlıq Agentliyi bildirib.

"Sənədə əsasən, 155 mm-lik M107 mərmiləri və yardımçı qurğular tədarük ediləcək. Dövlət katibi ABŞ-ın milli təhlükəsizlik maraqları naminə yuxarıda qeyd olunan müdafiə vasitələrinin və xidmətlərinin İsrail hökumətinə dərhal satılmasını tələb edən fövqəladə vəziyyətin mövcud olduğunu müəyyənləşdirdi və ətraflı əsaslandırmanı Konqresə təqdim etdi", - deyə agentlik bildirib.

"Birləşmiş Ştatlar İsrailin təhlükəsizliyinə sadiqdir və İsrailə güclü və hazır özünümüdafiə qabiliyyətini inkişaf etdirmək və saxlamaqda kömək etmək ABŞ-ın milli maraqları üçün həyati əhəmiyyət kəsb edir", - agentlik əlavə edib. 

Artilleriya sursatları ABŞ ordusunun ehtiyatından təmin ediləcək.