Kiyevin döyüş meydanında vəziyyəti saxlamaq üçün heç bir resursu yoxdur - ÖZƏL

"Kiyev hakimiyyətinin döyüş təmas xəttində mövcud vəziyyəti saxlamaq üçün belə resursları yoxdur və olmayacaq".

Olaylar.az xəbər verir ki, bunu Rusiyanın BMT-dəki daimi nümayəndəsi Vasili Nebenzya BMT Təhlükəsizlik Şurasının iclasında bildirib.

"Reallıq ondan ibarətdir ki, Ukraynanın nəinki kursu dəyişmək, hətta vəziyyəti döyüş xəttində saxlamaq üçün resursları yoxdur və olmayacaq", - Nebenzya bildirib.

"Yalnız bir nəticə var və bu, düşmənlərimiz üçün məyusedicidir. Kiyev rejiminin hərbi planları hərtərəfli iflasa uğrayır, ona görə də yaxın vaxtlarda ukraynalı vəkilləriniz üçün pis xəbərləri gözləyin, Vaşinqton və ya Brüsselin Ukrayna Prezidenti Vladimir Zelenski və onun dəstəsi üçün yeni hərbi və maliyyə yardım paketlərini təsdiq edib-etməməsindən asılı olmayaraq. Bu, sadəcə olaraq, onun rejiminin əzabını gecikdirəcək, lakin bunun qarşısını almayacaq", - o əlavə edib.