Ukraynada DXR-in Kiyevin nəzarətində olan hissəsindən evakuasiya edilənlərin sayı açıqlanıb - ÖZƏL

Xəbərlərimizi "WhatsApp" kanalımızdan oxuyun 

Ukrayna hakimiyyəti məcburi təxliyə çərçivəsində 2022-ci ilin avqustundan bəri Donetsk Xalq Respublikasının (DXR) Kiyevin nəzarətində olan hissəsindən 100 mindən çox insanı təxliyə edib.

Olaylar.az xəbər verir ki, bu barədə ölkənin Reinteqrasiya Nazirliyi öz Telegram kanalında məlumat yayıb.

Bildirilir ki, onların arasında 13,2 mindən çox uşaq, 4,8 mindən çox isə hərəkət qabiliyyəti məhduddur. Hazırda DXR-in Kiyevin nəzarətində olan hissəsindən təxliyə xüsusi qatarla Jitomir vilayətinə hər 8 gündə bir dəfə həyata keçirilir.

Dekabrın 24-də Ukraynanın "Public" nəşri Ukraynanın Sumı vilayətində 19 yaşayış məntəqəsinin boşaldılması barədə məlumat yayıb. Bildirilir ki, boşaldılan yaşayış məntəqələri Belarusla sərhədə yaxın beş kilometrlik zonada yerləşib. 679-u uşaq olmaqla, ümumilikdə 3679 nəfər təxliyə edilib. Onlar Sumı rayonunun digər ərazilərində yerləşdirilib. Bundan əvvəl Ukraynanın Energetika Nazirliyi Sumı və Dnepropetrovsk vilayətlərində qaz şəbəkələrinin zədələnməsi barədə yazmışdı.

Bundan əvvəl hava hücumundan müdafiə sistemi Ukrayna Silahlı Qüvvələrinin Melitopola hücumunu dəf edib.