ABŞ və Venesuela Venesueladakı sanksiyalar və seçkilərlə bağlı razılığa gəlib - ÖZƏL

ABŞ və Venesuela Cənubi Amerika dövlətinə qarşı Amerika sanksiyalarının yumşaldılması və bu ölkədə prezident seçkilərinin keçirilməsi şərtləri ilə bağlı razılığa gəlib.

Olaylar.az xəbər verir ki, bu barədə Washington Post qəzeti Vaşinqton və Karakas arasında sıçrayışlı danışıqlardan xəbərdar olan mənbələrinə istinadən yazıb.

"Birləşmiş Ştatlar Venesuelanın neft sənayesinə qarşı məhdudlaşdırıcı tədbirləri yüngülləşdirəcək. Buna cavab olaraq Karakas hakimiyyəti 2023-cü ildə beynəlxalq müşahidəçilərin və mətbuatın iştirakı ilə rəqabətli prezident seçkilərinin keçirilməsini təmin edəcək", - nəşr yazır.

Oktyabrın 11-də Venesuelanın neft sənayesi nazirinin müavini Erik Casinto Peres Rusiya Enerji Həftəsi (REW) çərçivəsində Venesuela və ABŞ hakimiyyətinin respublikaya qarşı sanksiyaların yumşaldılmasına dair razılaşmanın təsdiqi üzərində çalışdıqlarını açıqlayıb.

Bundan əvvəl Venesuela Xarici İşlər Nazirliyinin rəhbəri BMT Baş Assambleyasında işin nəticələri barədə məlumat verib.