Hakan Fidan Lavrovla İsrail-Fələstin münaqişəsini müzakirə edib

Türkiyənin xarici işlər naziri Hakan Fidanla Rusiyanın XİN rəhbəri Sergey Lavrov arasında telefon danışığı olub.

Olaylar.az-ın TurkicWorld-ə istinadən xəbərinə görə, bu barədə Türkiyə Xarici İşlər Nazirliyi məlumat yayıb.

Bildirilib ki, telefon danışığı zamanı İsrail-Fələstin münaqişəsi müzakirə edilib.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3 300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.