HƏMAS 2022-ci ildən İsrailə hücum hazırladığını etiraf edib - ÖZƏL
HƏMAS 2022-ci ildən İsrailə hücum hazırladığını etiraf edib.
Olaylar.az lenta.ru-a istinadən xəbər verir ki, bu barədə Fələstinin radikal HƏMAS hərəkatı qruplaşmasının nümayəndəsi Ebu Obeida danışıb. O qeyd edib ki, 2022-ci ildən İsrailə hücuma hazırlaşan təşkilat əslində öz niyyətlərini gizlədib və vaxtından əvvəl qarşıdurmanın qarşısını alaraq neytrallıq nümayiş etdirməyə çalışıb.
Qruplaşmanın hərbi qanadının nümayəndəsinin sözlərinə görə təşkilat bu yolla düşməni qaranlıqda saxlamaq məqsədi güdüb.
Bu strategiyanın son dərəcə uğurlu olduğunu vurğulayan Obeida qeyd edib ki, indi İsrail nəticə çıxarmaqdansa, uğursuzluqları ört-basdır etmək üçün qan tökməyə əl atmalıdır.
Qrupun nümayəndəsinin sözlərinə görə HƏMAS gizli şəkildə 4500 döyüşçünü özünə cəlb etməyi bacarıb. Ona görə də təşkilat quru əməliyyatı da daxil olmaqla İsrail ordusunna qarşı istənilən hərəkata hazırdır.
Qrupun nümayəndəsi qeyd edib ki, əməliyyatın son məqsədi Qüdsün əsas müsəlman ziyarətgahı, Əl-Əqsa məscidi və şəhərin özünü ələ keçirməkdir.
"İsrail belə addımlar atsa, biz düşmən üçün əhəmiyyətli itkilərə səbəb olacaq yeni tədbirlər görəcəyik", - deyə Obeyda nitqini yekunlaşdırıb.