Pentaqondan İZAH - ÖZƏL

Pentaqon Amerikanın ATACMS əməliyyat-taktiki raketlərinin Kiyevə təhvil verilməsi məsələsinin həllində irəliləyişdən danışıb.

Olaylar.az xəbər verir ki, bu barədə RİA Novosti məlumat yayıb.

Ukraynanın Müttəfiq Təmas Qrupunun iclasından sonra keçirilən mətbuat konfransında müdafiə naziri Lloyd Austin "Bu gündən etibarən ATACMS ilə bağlı elan edəcəyim heç nə yoxdur" dedi.

Bir neçə gün əvvəl The New Yorker jurnalı ABŞ prezidenti Co Baydenin hələ sentyabr ayında Ukraynaya ATACMS raketlərinin təhvil verilməsini təsdiqlədiyini yazmışdı. Nəşrin müəlliflərinin fikrincə, Vaşinqton bunun münaqişənin gərginləşməsinə səbəb olacağından ehtiyat edərək uzun müddət raketlərin ötürülməsinə razı olmayıb.

ABŞ komplekslərin tədarükünü rəsmən açıqlamayıb. Bayden Kiyevə silah tədarükü ilə bağlı suala cavab verərkən deyib ki, Ağ Ev Vladimir Zelenskinin bütün istəklərini "işləyib".

Oktyabrın 3-də "Bloomberg" ABŞ ordusunun tədarük və təchizat üzrə köməkçisi Duqlas Buşa istinadən xəbər verib ki, Amerika lideri razılıq verən kimi Birləşmiş Ştatlar ATACMS raketlərini Ukraynaya ötürməyə hazırdır. Agentliyin məlumatına görə, Kiyevdə artıq müvafiq raketlər üçün buraxılış qurğuları var.

Bundan əvvəl ABŞ və Ukrayna Kiyev üçün təhlükəsizlik zəmanəti ilə bağlı danışıqlara başlayıb.