Qəzzada HƏMAS-ın 80-dən çox hədəfi dağıdıldı

İsrail Silahlı Qüvvələri dünən gecə Qəzza zolağının Beyt-Hanun şəhərində HƏMAS-ın 80-dən çox hədəfinə zərbə endirib.

Olaylar.az bildirir ki, bu barədə ordunun mətbuat xidməti məlumat yayıb.

Ordunun Telegram kanalında dərc edilən mesajda deyilir: "Gecə ərzində döyüşçülər Qəzza zolağında Beyt-Hanunda 80-dən çox hədəfi vurub.

Hədəflər arasında İsrail ordusunun HƏMAS tərəfindən istifadə edildiyini bildirdiyi iki bank şöbəsi, tunel və HƏMAS-ın iki əməliyyat idarə mərkəzi olub".

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə ölənlərin sayı 1200-ü keçib, 2500-ə yaxını yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.