İsrail məsələni kökündən həll edəcək - ÖZƏL

Yaxın Şərqdə vəziyyət yenidən gərginləşib. Xarici medianın məlumatına görə, rəsmi Təl-Əviv HƏMAS-a qarşı mübarizədə Birləşmiş Ştatlardan kömək istəyib. Vaşonqton isə öz növbəsində Təl-Əvivin müraciəti əsasında regiona əlavə qüvvələr göndərib.

"OLAYLAR" xəbər verir ki, baş verənlərlə bağlı hərbi ekspert Ədalət Verdiyev deyib ki, ABŞ-ın Yaxın Şərqə aviadaşıyıcı zərbə qruplaşmasından ibarət əlavə qüvvələr göndərməsi, HƏMAS-ın terror fəaliyyətləri ilə bağlı deyil. Onun sözlərinə görə, HƏMAS ilə mübarizədə eyni anda 50 qırıcı havaya qaldıran İsrail özü məsələni kökündən həll edəcək:

"Ola bilər ki, İsrail toxunulmaz ehtiyatların miqyasını qorumaq üçün ABŞ-dan bəzi idarəolunan aviasiya sursatları əldə etsin. Bu sursatları iisə yük təyyarələri daşıyacaq". 

Ədalət Verdiyev deyib ki, ABŞ-ın göndərdiyi əlavə qüvvələrin əsas vəzifəsi davam edən müharibənin genişlənməsini məhdudlaşdırmaq və  İranın proseslərə müdaxiləsinin qarşısını almaqdan ibarətdir.