ABŞ prezidenti İsraillə bağlı ƏMR VERDİ

ABŞ Prezidenti Co Bayden İsrailə əlavə yardım barədə göstəriş verib.

Olaylar.az publika.az-a istinadən xəbər verir ki, bu barədə "The Times of Israel" məlumat yayıb.

Qeyd olunur ki, Bayden və vitse-prezident Kamala Harris vəziyyətlə bağlı məlumatlandırılıb və israilli tərəfdaşları ilə sıx əlaqə saxlamaq niyyətindədirlər.

Açıqlamada dəstək haqqında heç bir təfərrüat verilməyib.

Bundan əvvəl ABŞ-ın dövlət katibi Antoni Blinken deyib ki, İsrail ABŞ-dan əlavə hərbi yardım istəyib:

"Biz israillilərin etdiyi xüsusi əlavə tələblərə baxırıq - düşünürəm ki, bu barədə daha çox bu gün eşidəcəksiniz".

Xatırladaq ki, oktyabrın 7-də səhər saatlarında Qəzza zolağından olan fələstinli radikallar İsrail ərazisinə raket zərbələri endiriblər. Buna cavab olaraq İsrail Müdafiə Qüvvələri Qəzzada hərbi əməliyyata başlayıb.