İsrail Qəzza zolağında HƏMAS-ın bir sıra hədəflərinə zərbələr endirib

İsrael Müdafiə Ordusunun qırıcıları Qəzza zolağında "HƏMAS"ın bir sıra hədəflərinə, o cümlədən Qəzza zolağında iki çoxmərtəbəli binada terrorçuların hərbi strukturlarına zərbələr endirib.

Olaylar.az trend-ə istinadən xəbər verir ki, bu barədə Ordunun mətbuat xidməti bildirib.

"Qırıcı təyyarələr Qəzza zolağında "HƏMAS" terror təşkilatına məxsus bir sıra hədəflərə zərbələr endirib. Bir müddət əvvəl ordunun qırıcı təyyarələri "HƏMAS"ın yüksək rütbəli terrorçularının terror fəaliyyətləri həyata keçirmək üçün istifadə etdikləri iki çoxmərtəbəli binada hərbi tikiliyə zərbələr endirib", - deyə məlumatda qeyd olunub.