Türkiyənin müdafiə naziri ABŞ-lı həmkarı ilə Suriyadakı son hadisələri müzakirə edib

Türkiyənin milli müdafiə naziri Yaşar Gülerlə ABŞ-ın müdafiə naziri Lloyd Ostin arasında telefon danışığı olub.

Olaylar.az-ın TurkicWorld-ə istinadən məlumatına görə, bu barədə Türkiyə Milli Müdafiə Nazirliyi məlumat yayıb.

Məlumata əsasən, telefon danışığı zamanı tərəflər Suriyada baş verən son hadisələri müzakirə edib.

Bundan əlavə, nazir Güler ​​həmkarına Türkiyənin İŞİD terror təşkilatına qarşı ABŞ ilə birgə mübarizəyə hazır olduğunu bildirib.

Qeyd edək ki, 5 oktyabr tarixində Türkiyə Milli Kəşfiyyat Təşkilatının (MİT) döyüş bölmələri Suriyada PKK terror təşkilatına qarşı əməliyyat keçirib.