Aİ ölkələrində elektrik və qaz qiymətləri rekorda imza atıb- ÖZƏL

Olaylar.az xəbər verir ki, Ötən ilin ikinci yarısında Avropa İttifaqı ölkələrində yaşayış evlərində 100 kilovat-saat elektrik enerjisinə görə ödənilən orta məbləğ 28,4 avro ilə rekord qırıb. Avropa Statistika İdarəsi Avropa İttifaqına (Aİ) üzv ölkələrdə 2022-ci ilin ikinci yarısında yaşayış evlərində istehlak edilən elektrik enerjisi və təbii qaz qiymətləri ilə bağlı məlumatları dərc edib. Müvafiq olaraq, Aİ ölkələrində 2021-ci ilin ikinci yarısında 100 kilovat-saat elektrik enerjisinə görə 23,5 avro ödənildiyi halda, 2022-ci ilin ikinci yarısında bu rəqəm 28,4 avroya çatıb. Aİ-yə üzv ölkələr arasında ən ucuz elektrik enerjisi Macarıstanda satılıb. Macarıstanda 100 kilovat-saat elektrik enerjisinə görə 10,8 avro ödənilib, ikinci yerdə 11,5 avro ilə Bolqarıstan, 12,8 avro ilə Malta, 13,5 avro ilə Hollandiya gəlir.